×
  • Lajme
  • Lajme

    S’ka furnizim, ndërpritet në QKUK analiza e nevojshme për pacientët me COVID-19

    FrontOnline
    24 Nëntor 2020

    Javën e kaluar, në Klinikën e Biokimisë në Qendrën Klinike Universitare të Kosovës, ka filluar të kryhet analiza e D-dimerit, përmes të cilës tregohet nëse një person i infektuar me virusin Covid-19 është në rrezik për jetën. Megjithatë, për shkak të mungesës së furnizimit me regjentë, pa u bërë një javë, kryerja e kësaj analiza është ndalur. Pacientët përsëri duhet t’i drejtohen klinikave private për ta kryer atë.

    Pacientët e infektuar me virusin Covid-19, po vazhdojnë të kryejnë analizën e D-dimerit në klinikat private.

    Derisa atyre u kërkohet që këtë analizë ta kryejnë një herë ose dy herë në javë, ata detyrohen që atë ta kryejnë në klinikat private.

    Express ka mësuar se çmimi i kësaj analize sillet rreth 15-20 euro.

    Në Qendrën Klinike Universitare të Kosovës, konkretisht në Klinikën e Biokimisë, në javën e kaluar kishte filluar kryerja e kësaj analize.

    Për shkak të furnizimit të limituar, nga dita e shtunë, asnjë nga pacientët nuk ka mundur ta kryej atë.

    Drejtori i Klinikës së Biokimisë, Shemsi Veseli, ka thënë për Express se analiza e D-dimerit është shumë e nevojshme për personat që janë të infektuar me virusin Covid-19.

    Ai ka thënë se furnizimi që i ishte bërë me reagjentë për realizimin e kësaj analize, ka qenë i limituar, andaj që katër ditë asnjë pacient nuk e ka kryer atë.

    “Ne kemi filluar me kryerjen e D-dimerit javën e kaluar. Sasia e furnizimit me reagjentë ka qenë shumë e limituar, andaj për momentin nuk kemi furnizim. Kjo analizë në gjithë botën është shumë e kërkuar. Shpresoj që gjatë këtyre ditëve të vie një kontingjent i madh i testimeve”, ka thënë ai.

    Veseli ka deklaruar se vetëm gjatë javës së kaluar, kishin kryer rreth 1 mijë analiza të D-dimerit.

    Ai ka treguar edhe se si bëhet përzgjedhja e personave për kryerjen e kësaj analize.

    “Rreth 1 mijë analiza kemi kryer javën e kaluar. Kohën e fundit është marrë një vendim që për shkak që edhe furnizimi është i pamjaftueshëm, analiza t’i kryhet vetëm atyre që janë të shtrirë në klinikat Covid”, ka theksuar ai.

    Veseli e ka konsideruar shumë të rëndësishme kryerjen e kësaj analize, pasi që sipas tij, përmes saj tregohet nëse një person është në rrezik për jetën.

    Ai ka thënë se në mungesë të furnizimit me reagjentë, pacientët duhet të drejtohen në sektorin privat për ta kryer atë.

    “Jemi në këtë situatë kur pacienti duhet të drejtohet në sektorin privat. Këta pacient duhet të trajtohen dhe të përcillet gjendja e tyre. Unë mendoj që një prej problematikave kryesore është se po krijohen këto mikrokuaguliume të cilat po sulmojnë organet vitale dhe po shkaktojnë më shumë shkallën e vdekshmërisë”, ka shtuar ai.

    Veseli ka theksuar se analiza e D-dimerit është e limituar në treg, andaj edhe mund të ketë vështirësi në furnizimin me të.

    D-dimeri është një fragment relativisht i vogël proteine që është i pranishëm në gjak pas mpiksjeve të gjakut.

    Përmes analizës së D-dimerit, vërehet nëse një person ka çrregullim të mpiksjes së gjakut, dhe nëse ai është në rrezik për jetën.

    Zgjerimi i Comoditës në SHBA: “Nap Queen Sleep”, krenaria e shqiptarëve
    Nga Rubrika
    Lajme29 Mars 2024
    Pas konfirmimit të legjitimitetit të një vendimi shumë të rëndësishëm për Komunën e Gjilanit siç ka qenë vendimi për caktimin e lokacionit...
    Lajme29 Mars 2024
    Kryetari i Komunës së Podujevës Shpejtim Bulliqi, ka njoftuar se e ka liruar nga detyra drejtorin për Kulturë, Rini dhe Sport, Pajtim...
    Lajme29 Mars 2024
    Ministrja e Punëve të Jashtme, Donika Gërvalla është pritur në një mënyrë të veçantë në Kalabri. Fëmijët në Kalabri kanë kënduar në...
    Të tjera
    Lajme29 Mars 2024
    Shefi i Grupit Parlamentar të AAK-së, Besnik Tahiri, e ka lëshuar mbledhjen e kryesisë së Kuvendit pasi ka një tendencë për ta...
    Lajme29 Mars 2024
    Komisioni Qendror i Zgjedhjeve ka njoftuar qytetarët me të drejtë vote jashtë Kosove se është hapur regjistrimi për votim në katër komunat...
    Lajme29 Mars 2024
    Brukseli po kërkon nga Kosova dhe Serbia që të lëvizin me zbatimin e pikave të marrëveshjes të pavarura nga njëra-tjetra. Zëdhënësi i...
    Lajme29 Mars 2024
    Kryetari i Aleancës për Ardhmërinë e Kosovës, Ramush Haradinaj ka përkujtuar masakrën e Belegut e Irzniqit të Deçanit si dhe të Poterqit...
    Lajme29 Mars 2024
    Kryetari i Kuvendit të Kosovës, Glauk Konjufca, ka shprehur qëndrimin e tij pro themelimit të cdo komisioni hetimor dhe se për këtë...
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...

    FrontOnline, © 2024 Të gjitha të drejtat e rezervuara.