×
  • Lajme
  • Ekonomi
  • Banka

    Sivjet 54 milionë euro më shumë investime të huaja se në 6 muajt e parë të 2019’s

    FrontOnline
    07 Shtator 2020

    Situata me pandeminë COVID-19 nuk ka ndikuar te investitorët e huaj. Madje, krahasuar me gjashtëmujorin e parë të vitit të kaluar, investimet e huaja janë rritur për miliona euro.

    Në Bankën Qendrorë të Kosovës kanë treguar se sa është vlera e investimeve gjatë këtij viti dhe sektorët ku është investuar më shumë.

    Zëdhënësi i BQK’së, Kushtrim Ahmeti i ka thënë Gazetës Express se krahasuar me gjashtëmujorin e parë të vitit të kaluar, investimet janë rritur për 54 milionë euro.

    Edhe këtë vit më së shumti investime kanë ardhur nga Gjermania, Austria dhe Zvicra.

    “Ju njoftoj se vlera e investimeve direkte (ID) në gjashtë muajt e parë të këtij viti (janar – qershor 2020) arriti në shumën prej 164.6 milionë euro. Kjo shumë e investimeve është për 54 milionë euro më shumë se në periudhën e njëjtë të vitit 2019, ku vlera e ID-ve ishte 110.8 milionë euro. Më së shumti investime kanë ardhur nga shtetet gjermano-folëse (Gjermania, Austria, Zvicra), të përcjella nga Shqipëria, Hungaria, ShBA, Sllovenia etj”, ka deklaruar Ahmeti.

    E sektorët ku kanë investuar më shumë janë ai i patundshmërisë, shërbimeve financiare dhe energjetikë.

    “Sa i përket sektorëve ku janë investuar më shumë janë bërë në sektorin e patundshmërisë, shërbimeve financiare dhe në energjetikë. Gjatë gjashtë muajve të parë 2019 ID-të kanë qenë 110.8 milionë euro, kurse gjatë 12 muajve të 2019 ID-të ishin 271.8 milionë euro”, thuhet në përgjigjet e Ahmetit.

    Por, për Kryetarin e Odës Ekonomike të Kosovës, Berat Rukiqin, kjo nuk është ndonjë shifër e madhe e investimeve.

    “Nuk është ndonjë shifër e madhe. Pra, nuk është ndonjë shifër që e bën diferencën sepse nuk është që janë bërë investime të mëdha. Investimet janë kryesisht në patundshmëri dhe energji të ripërtritshme”, ka thënë Rukiqi

    Ndryshe, bazuar në në statistikat e Bankës Qendrore të Kosovës, vendi nuk po i tërheq më investitorët e huaj sikurse dikur.

    Përderisa në vitin 2007’të, vlera e investimeve të huaja kapte një shifër prej 440 milionë euro, tash mezi e kalon 200 milionëshin.

    Sipas njohësve të ekonomisë, arsye për rënien e investimeve është situata politike në vend dhe ciklet e shpeshta zgjedhore gjatë viteve të fundit.

    Nga 10 janari fillojnë reduktimet, këto vende do të mbesin pa rrymë deri në 7 orë
    Nga Rubrika
    Lajme28 Mars 2024
    Deputeti i PDK-së, Rashit Qalaj, është shprehur i bindur se kandidati i tyre Bedri Hamza, do jetë kryeministri i ardhshëm i Kosovës....
    Lajme28 Mars 2024
    Vigjilencë nga institucionet e sigurisë kërkon edhe ish-komandanti i FSK-së, Kadri Kastrati. Ai në një prononcim për Front Online tha se Serbia...
    Lajme28 Mars 2024
    Asambleja Parlamentare e Këshillit të Evropës, e ka publikuar agjendën zyrtare për sesionin pranveror. Në agjendë është e konfirmuar edhe diskutimi për...
    Të tjera
    Lajme28 Mars 2024
    Një situatë si ajo e Banjskës po paralajmërohet se mund të përsëritet. Drejtori i Policisë së Kosovës, Gazmend Hoxha, ka thënë se...
    Sport28 Mars 2024
    Pas formës së mirë dhe golave me Rapid Bukureshtin, Albion Rrahmani pritet që në verë të bëjë hapin e madh, gjë që...
    Sport28 Mars 2024
    Toni Kroos raportohet se ka rënë dakord të rinovojë kontratën me Real Madridin. Kontrata aktuale e mesfushorit skadon në fund të këtij...
    Lajme28 Mars 2024
    Kuvendi i Kosovës ka rrëzuar rezolutën e opozitës për numrin e madh të kontratave njëburimore të nënshkruara gjatë mandatit të Qeverisë Kurti....
    Lajme28 Mars 2024
    Gjykata Evropiane për të Drejta të Njeriut do të jetë derë e re për drejtësi për shtetasit e Kosovës, nëse vendi anëtarësohet...
    Lajme28 Mars 2024
    Gjatë sesionit të paradites, ish-diplomati amerikan, Shaun Byrnes u mor në pyetje nga gjyqtari Guénaël Mettraux i cili e pyeti lidhur me një...

    FrontOnline, © 2024 Të gjitha të drejtat e rezervuara.