×
  • Ekonomi
  • Ekonomi

    Sindikatat nuk pranojnë koeficient nën 120 euro, paralajmërojnë veprime sindikale

    Fatlum Berisha
    23 Janar 2023

    Së shpejti do të dihet vlera e koeficientit të Ligjit të Pagave.

    Qeveria do ta nisë atë brenda pak ditësh në Kuvend, ka njoftuar të hënën shefja e deputetëve të Lëvizjes Vetëvendosje, Mimoza Kusari-Lila.

    “Nëse jo këtë javë, javën tjetër gjithsesi do e përcjellë në Kuvend, të miratuar në kuadër të projektligjit për buxhetin, me ç’rast do të bëhet një plotësim ndryshim i projektligjit për buxhetin në mënyrë që të jetë fiks vlera e koeficientit”.

    Deri të ndodh kjo, Kusari nuk pranoi të flasë për vlerën, e cila mbetet sekrete tash e tri javë prej kur Ligji u publikua në Gazetën Zyrtare.

    Kjo po i irriton sindikatat e punonjësve shtetërorë, të cilat thonë se koeficienti nën 120 euro është i papranueshëm për ta.

    Jasharaj: Jemi në stres, nën 120 euro koeficienti i papranueshëm

    Këtu bën pjesë SBASHK-u.

    “Jo nuk kemi info zyrtare përmes disa spekulimeve që thuhen. Jemi në stres, pa e ditë koeficientin ne nuk po dimë a t`i gëzohemi apo jo Ligjit të Pagave. Uroj që koeficienti të jetë 120 euro dhe jo më e vogël. Kjo siguron një lëvizje të pagave”, theksoi për “Front Online” kryetari i kësaj sindikate, Rrahman Jasharaj.

    Nëse s`përmbushet kjo pritshmëri, ky paralajmëron veprime sindikale.

    “Kemi kërkuar ta kemi këtë ligj. Do të shohim, shpresojmë, nëse jemi të pakënaqur do të reagojmë dhe shohim pastaj hapat e radhës. Greva për momentin nuk është opsion”, deklaroi Jasharaj për “Front Online”.

    Sindikata e Shëndetësisë: Nëse koeficienti është nën 120 euro, do ketë rebelim

    Të njëjtën kërkesë, që koeficenti të jetë mbi 120 euro, e kanë edhe mjekët.

    Kryetarja e FSSHK-së, Tevide Imeri i tha “Front Online”-it se nën këtë vlerë nuk i bie të ketë rritje rroge.

    “Kemi dashtë të jetë 132 euro, 50 % e pagës minimale. Megjithatë çka është nën 120 euro është e papranueshme për ne”.

    Edhe tek mantelbardhët paralajmërojnë kundërshti.

    “Sigurisht që do të ketë rebelim nëse është nën 120 euro vlera e koeficientit. E kemi pasur një takim me Arben Vitinë, por ai ka thënë se nuk e dinë akoma as ai koeficientin. Jemi në mjegull. Nuk e dimë çka do të ndodh”, u shpreh Imeri për “Front Online”.

    Policët duan që vlera e koeficientit të jetë 130 euro

    E kryetari i Sindikatës së Policisë, Imer Zeqiri tha se akoma janë në terr informativ sa i përket koeficientit.

    “Jo nuk kemi akoma informacion të saktë. Jemi kureshtarë me ditë. Koeficienti i pranuar është 130 euro, nën këtë shumë s`jemi të kënaqur”, deklaroi Zeqiri për “Front Online”.

    Në këto vende nuk do të ketë rrymë për shkak të punimeve
    Nga Rubrika
    Ekonomi28 Mars 2024
    Rreth 88 milionë euro është vlera preliminare e dërgesave të mërgatës që janë sjell në Republikën e Kosovës për muajin shkurt 2024....
    Ekonomi26 Mars 2024
    Fiks 6 miliardë euro kanë kosovarët të depozituara nëpër bankat komerciale vendore. Kështu thonë të dhënat e Bankës Qendrore të Kosovës për...
    Ekonomi26 Mars 2024
    Banka Qendrore e Kosovës ka publikuar statistikat e bankave komerciale për muajin shkurt të këtij viti. Sipas të dhënave që ka publikuar...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.