×
  • Bota/Rajoni
  • Bota/Rajoni

    Si vepron deksametazoni, ilaçi “mrekullibërës” kundër COVID–19

    FrontOnline
    20 Qershor 2020

    (DEUTSCHE WELLE) – Remedesiviri, hidroksihlorokina, deksametazoni… Janë këta emra të ndërlikuar ilaçesh, të cilët gjatë pandemisë së koronavirusit janë cilësuar si mrekulli. Në krizën me virusin gjithçka funksionon shumë ngjashëm: një konstatim prej ndonjë hulumtimi paralajmëron rezultate premtuese në ndonjë prej ueb-faqeve të internetit dhe publikohet më pas në revista shkencore. Mediat, pas kësaj, hidhen menjëherë në veprim, raportojnë për ilaçet që po vlerësohen nga ekspertët, por edhe nga përfaqësuesit e shteteve të caktuara.

    E njerëzit, nga frika prej gjendjes së krijuar, nxitojnë nëpër barnatore, i blejnë dhe i konsumojnë preparatet mrekullibërëse. Dhe, vetëm pas kësaj, shkenca ka mundësi që t’i shohë rezultatet dhe t’i rishikojë në hollësi. Mandej pason zhgënjimi apo shpjegimi se nën cilat kushte ilaçet përnjëmend veprojnë. Si dhe cilat janë efektet e padëshiruara që i shkaktojnë.

    Çfarë tregon studimi për deksametazonin?

    Shumë pak hollësi që tanimë janë të ditura burojnë prej të ashtuquajturit studim të “Recorvery Trial” në Mbretërinë e Bashkuar. Shkencëtarët aktualisht janë duke i hulumtuar ilaçet e ndryshme kundër COVID-19. Në studim kanë qenë të përfshirë më shumë se 11.500 pacientë, nga 175 klinika në Britaninë e Madhe.

    Një pjesë e studimit, i cili kishte në epiqendër deksametazonin, ka përfshirë 2.104 pacientë që kanë marrë për dhjetë ditë resht, nga një herë në ditë, një dozë prej 6 miligramë të ilaçit, ndërsa 4.321 pacientë kanë shërbyer si grup kontrollues. Rezultatet preliminare kanë treguar se deksametazoni do të mund ta ulte shkallën e vdekshmërisë te pacientët e sëmurë rëndë nga COVID-19. Në proporcion me grupin kontrollues, vdekshmëria te pacientët që kanë qenë të kyçur në respiratorë është ulur për një të tretën. Shkalla e vdekshmërisë te pacientët, të cilët kanë qenë në oksigjenoterapi, por që kanë qenë po ashtu të kyçur në makinat që e stimulojnë funksionimin e mushkërive, është ulur për një të pestën. Por, te pacientët që nuk është dashur të marrin trajtim me oksigjen, terapia me deksametazon nuk ka treguar ndonjë efekt. Britania e Madhe, kësisoj, do ta përfshijë menjëherë deksametazonin në trajtimin e pacientëve të prekur nga COVID-19.

    Si funksionon deksametazoni?

    Te pacientët e sëmurë rëndë me COVID-19, shpesh ndodh reagimi i tepruar i sistemit imunitar. Ilaçi deksametazon është një kortikosteroid artificial, por shumë efektiv, i cili ndikon në sistemin imunitar. Në këtë mënyrë ndalohet procesi i ndezjes dhe kontrollohet reagimi imunitar. Deksametazoni është i njohur tash e sa kohë dhe mund të gjendet në shumicën e barnatoreve. Çmimi është i volitshëm dhe ai është i qasshëm në të gjithë botën. Përdoret për sëmundjet e rëndomta të ndezjeve në lëkurë dhe nyje, për endemat në tru të shkaktuara nga tumoret, si dhe për parandalimin e të përzierave dhe të vjellave në rastet e pacientëve që u nënshtrohen kimioterapive.

    Njoftimet nga KEDS, vendet që s’do të kenë rrymë nesër
    Nga Rubrika
    Bota/Rajoni28 Mars 2024
    Ajo që tronditi shumë një ekip ndërkombëtar mjekësh që vizitoi një spital në pjesën qendrore të Gazës, ishte numri i madh i...
    Bota/Rajoni28 Mars 2024
    Polonia ka hapur përkohësisht një pikë kufitare me Ukrainën, tha Kievi më 28 mars, përderisa përfaqësuesit qeveritarë u takuan në Varshavë për...
    Bota/Rajoni28 Mars 2024
    Ish-kryeministri i Shqipërisë, Sali Berisha ka marrë pjesë nëpërmjet një lidhje të drejtpërdrejtë ndërsa ndodhet në arrest shtëpiak në aktivitetin dedikuar 15-vjetorit...
    Të tjera
    Lajme28 Mars 2024
    Presidentja e Kosovës, Vjosa Osmani ka takuar sot Delegatin Apostolik të Selisë së Shenjtë për Kosovën, nuncin Jean Marie Speich. Raportet në...
    Vip28 Mars 2024
    Aktori i mirënjohur shqiptar, Enver Petrovci, ka qenë para pak ditësh i ftuar në “Show i së premtes” me Adelina Ismailin. Ai...
    Lajme28 Mars 2024
    Deputeti i PDK-së, Rashit Qalaj, është shprehur i bindur se kandidati i tyre Bedri Hamza, do jetë kryeministri i ardhshëm i Kosovës....
    Lajme28 Mars 2024
    Vigjilencë nga institucionet e sigurisë kërkon edhe ish-komandanti i FSK-së, Kadri Kastrati. Ai në një prononcim për Front Online tha se Serbia...
    Sport28 Mars 2024
    Manchester United raportohet se është i gatshëm të paguajë klauzolën e transferimit të Gleison Bremerit. Mbrojtësi iu bashkua Juventusit në verën e...
    Vip28 Mars 2024
    Aktorja Egla Ceno, ka shkëmbyer një puthje në faqe me moderatorin Meriton Mjekiqi në shtëpinë e “BBVIP”, në sy të të dashurës...

    FrontOnline, © 2024 Të gjitha të drejtat e rezervuara.