Ballkani ka shkruar historinë e futbollit kosovar. Është bërë skuadra e parë kosovare që ka fituar një ndeshje në Ligën e Konferencës.

Këtë të arritur Ballkani e realizoi duke shënuar fitore dramatike 3:4 kundër Sivassporit në udhëtim në kuadër të Grupit G, raporton FrontOnline.

Me këtë fitore, Ballkani ngritet në pozitën e dytë me katër pikë, kurse Sivasspori bie në të tretin me po aq pikë.

Fitorja e sotme bën që Ballkanj të arkëtojë rreth 500 mijë euro.

Ndeshja tjetër e këtij grupi luhet mes Slavia Prahës (katër pikë) dhe Clujit (një pikë) nga ora 21:00./FrontOnline/