×
  • Lajme
  • Kronika
  • Kronika

    Shtetasja e Shqipërisë akuzohet se kundërligjshëm përfitoi pensionin e veteranes së UÇK-së

    FrontOnline
    30 Nëntor 2020

    Në Gjykatën Themelore në Gjakovë sot ka dështuar të mbahet seanca fillestare ndaj të akuzuarës se përfitoi kundërligjshëm pensionin e veteranes së Ushtrisë Çlirimtare të Kosovës (UÇK), Vjollca Maqi.

    Kjo seancë është shtyrë me kërkesë të të akuzuarës Maqi, me arsyetimin se e njëjta nuk është e përgatitur dhe se nuk i ka marrë shkresat e lëndës, duke shtuar se sot nuk dëshiron të deklarohet në lidhje me fajësinë.

    Propozimin për shtyrje të seancës nuk e ka kundërshtuar prokurori Sadri Alija.

    Më pas, gjykatësja Diana Sina e ka aprovuar propozimin për shtyrje të seancës, derisa seanca e radhës është caktuar që të mbahet më 16 dhjetor.

    Ndryshe, sipas aktakuzës së Prokurorisë Themelore në Gjakovë, Vjollca Maqi po akuzohet se më 13 maj 2016 në Gjakovë, përpilon dokument të falsifikuar, ndryshon dokumentin origjinal me qëllim të shfrytëzimit të atij dokumenti si origjinal ose me dije e përdor dokumentin e falsifikuar, në atë mënyrë që e pandehura në cilësinë e aplikueses për veterane, me qëllim të përfitimit të kundërligjshëm të statusit të veteranit luftëtar dhe më vonë të skemës pensionale, në Komisionin Qeveritar për Njohjen dhe Verifikimin e Statusit të Dëshmorit të Kombit, Invalidit/Veteranit, Pjesëtarit apo të Internuarit te UÇK-së, ka dorëzuar aplikacionin me të dhëna të falsifikuara kinse ka qenë e regjistruar si ushtare aktive e armatosur dhe uniformuar nga shtabi i zonës operative të UÇK-së, nga fillimi deri në përfundim të luftës së fundit në Kosovë, raporton Betimi pë Drejtësi.

    Për këtë po akuzohet se ka kryer  veprën penale “falsifikim i dokumenteve” nga neni 398 paragrafi 2 të KPRK-së.

    Tutje sipas aktakuzës, e njëjta po akuzohet se më 5 prill 2018, në vend të njëjtë si në dispozitivin e parë të kësaj aktakuze, në procedurë administrative me vetëdije paraqet deklarim të rremë për marrjen e vendimit përfundimtar dhe atë me qëllim të regjistrimit në skemën e pensioneve dhe benificioneve të familjeve të dëshmorëve, invalidëve të luftës, viktimave civile dhe kategorive tjera, në atë mënyrë që ka deklaruar rrejshëm se kinse ka qenë e regjistruar si ushtare aktive e armatosur dhe uniformuar nga shtabi i zonës operative të UÇK-së, nga fillimi deri në përfundim të luftës së fundit në Kosovë, ashtu që arrin të përfitoj njohjen e të drejtës në pension personal të veteranit-luftëtarit të UÇK-së nga data 1 maj 2018, në shumën mujore prej 170 euro, me çka buxhetit të Republikës së Kosovës i shkakton dëm të konsiderueshëm material.

    Për këtë po akuzohet se ka kryer veprën penale “deklarim i rremë” nga neni 392 paragrafi 2 lidhur me paragrafi 1 te KPRK-së.

    Pa rrymë deri në 8 orë, KEDS del me njoftim për nesër
    Nga Rubrika
    Lajme29 Mars 2024
    Kryeministri i vendit, Albin Kurti po vazhdon të tregojë disa nga të arriturat e shënuar gjatë qeverisjes së tij. Kurti ka publikuar...
    Lajme29 Mars 2024
    Shefi i grupit parlamentar i PDK-së, Abelard Tahiri, ka thënë se kjo parti nuk do të heqë dorë nga themelimi i Komisionit...
    Lajme29 Mars 2024
    Deputetja nga radhët e Lidhjes Demokratike të Kosovës, Hykmete Bajrami, i ka reaguar Ministrit të Financave, Punës dhe Transfereve, Hekuran Muratit, i...
    Të tjera
    Lajme29 Mars 2024
    Policia e Kosovës në dy raste të ndara, në tre rajone të ndryshme ka sekuestruar lëndë narkotike të dyshuara për kokainë dhe...
    Lajme29 Mars 2024
    Lidhja Demokratike e Kosovës dhe Lëvizja Vetëvendosje, kanë mendime të ndryshme sa i përket meritave për avancimin e Kosovës drejtë anëtarësimit në...
    Lajme29 Mars 2024
    Deputeti i Lëvizjes Vetëvendosje, Dimal Basha, ka goditur opozitën lidhur me investimet për blerje të sistemeve të armatimit, ku ka thënë se...
    Lajme29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...
    Lajme29 Mars 2024
    Në kuadër të rotacionit të madh në postet diplomatike të Bashkimit Evropian nëpër botë, Mirosllav Lajçak, që aktualisht është i dërguari i...
    Sport29 Mars 2024
    Boksieri shqiptar, Florian Marku është duke u përgatitur për meçin e së dielës, ndaj Chris Kongo. Dje në konfernecë për media dhe...

    FrontOnline, © 2024 Të gjitha të drejtat e rezervuara.