Në Shtetet e Bashkuara të Amerikës(SHBA) po zhvillohen sot zgjedhjet presidenciale, ku qytetarët do të zgjedhin mes republikanit Donald Trump dhe demokratit Joe Biden.
Këto zgjedhje kanë zgjuar edhe interesimin e shqiptaro-amerikanëve.
Votën e tij në zgjedhjet amerikane e ka dhënë sot edhe Blerim Shatri me prejardhje nga Komuna e Istogut. Ai ka më shumë se një dekadë që jeton dhe punon në New York, përderisa para luftës ka qenë një ndër udhëheqësit e Unionit të Pavarur të Studentëve të Kosovës
Shatri për “Front Online” nuk i ka fshur preferencat e tij për presidentin e ri të SHBA-ve.
“Amerikanët sot votojnë për ndryshim, votojnë për Demokraci, liri dhe barazi, ndërsa shqiptaro-amerikanët kanë edhe nje arsye më shumë! Të votojnë për mirëqenjen e tyre, ku jetojnë dhe njëkohësisht votojnë për mikun e madh të shqiptarëve, ku Biden mbrojti interesat e shqiptarëve, veçanërisht Kosovën gjatë okupimit dhe pas luftës”, ka thënë Shatri.
/Front Online/
Zgjedhjet në SHBA në sytë e një shqiptaro-amerikani
