Sonte do të zhvillohen një prej ndeshjeve më të “nxehta” të Kampionatit Botëror “Katar 2022”, raporton FrontOnline.

Në kuadër të grupit G, mbrëmja e sontme sjell ndeshjen mes Serbisë dhe Zvicrës.

“974 Stadium” do të jetë nikoqir i përballjes në fjalë.

Në këtë grup, Brazili tashmë e ka siguruar kualifikimin në fazën e eliminimit direkt, derisa Zvicra dhe Serbia kërkojnë vetëm rezultat pozitiv për të avansuar tutje.

Zvicra e ka marrë një super-lajm para kësaj ndeshje, teksa futbollisti nga Kosova, Xherdan Shaqiri është i gatshëm të luajë ndaj kombëtares serbe.

Nga minuta e parë për helvetikët do të luajë edhe Granit Xhaka, teksa Ardon Jashari do të jetë rezervist.

Para kësaj ndeshje ka pasur shumë debat e polemika, por edhe propaganda të llojit të ndryshëm nga serbët duke ditur urrejtjen e tyre ndaj futbollistëve shqiptarë të Zvicrës./FrontOnline/