Të paktën gjashtë persona kanë humbur jetën për shkak të një zjarri që ra në një fabrikë topash golfi në Tajvan, tre prej tyre u vranë nga shpërthimi, thanë sot autoritetet lokale.

Zjarri filloi të premten mbrëma dhe u ndez gjatë gjithë natës. Më shumë se 100 persona, kryesisht punëtorë, u plagosën.

Tre nga të vdekurit janë zjarrfikës. Ende nuk dihet fati i një zjarrfikësi dhe tre personave të tjerë.

Presidentja e Tajvanit Tsai Ing-wen shkoi sot në vendin e tragjedisë për të shprehur ngushëllimet e saj për familjet e viktimave. Tashmë ka nisur hetimi për shkaqet e zjarrit.

Një zyrtar i departamentit të zjarrit Pingtung u tha gazetarëve se peroksidi i ruajtur në fabrikë mund të ketë shkaktuar shpërthimin e parë të madh, të ndjekur nga disa më të vegjël. Shumë persona kanë mbetur të bllokuar brenda fabrikës nga shpërthimet, të cilat kanë shkaktuar shembjen e një pjese të çatisë./FrontOnline/

At Least 5 Dead, Over 100 Injured in Taiwan Golf Ball Factory Fire and Explosions#Taiwan #Accident #FactoryFire #Pingtung #TaiwanFire #BNN #Worldnews #Dailynews #Breakingnews #Newsupdate pic.twitter.com/J6ovudZBBB

— Nitish Verma (@nitsonnet) September 23, 2023