×
  • Lajme
  • Ekonomi
  • Ekonomi

    Shpenzimet qeveritare për 9 muaj u rritën për 77 milionë euro

    FrontOnline
    05 Nëntor 2019

    Qeveria në detyrë e Kosovës në mbledhjen e sotme ka miratuar propozim-vendimin për kursime dhe ndarje buxhetore të organizatave buxhetore, raportin e Thesarit për të hyrat dhe shpenzimet nëntëmujore dhe propozim-vendimi për rivarrimin e dëshmorëve të kombit.

    Kryeministri në detyrë, Ramush Haradinaj, vlerësoi se me këtë mbledhje sigurohet funksionimi i institucioneve në aspektin buxhetor dhe siguron vazhdimin e mbështetjes dhe përkujdesjes në veçanti për kategoritë sociale.

    “Si qeveri kujdestare kemi vendosur të mbajmë një mbledhje të qeverisë në detyrë për të siguruar funksionimin e institucioneve nga aspekti buxhetor. Mbledhja e sotme është e një rëndësie të veçantë pasi që me aprovimin e propozimeve të sotme sigurojmë që pensionistët të mos mbeten pa pensione që veteranët dhe kategorisë tjera sociale të kenë në vazhdimësi përkujdesje. Po ashtu, kam pranuar edhe shumë kërkesë të tjera për pika të rendit të ditës, duke përfshirë edhe vendimet që kanë të bëjnë me investimet e huaja”, tha Haradinaj.

    Ministri në detyrë i Financave, Bedri Hamza, duke arsyetuar propozim-vendimin tha se janë evidentuar mbi 31 milionë e 217 mijë euro të kursyera nga organizatat buxhetore dhe se ato do të shpërndahen në Ministrinë e Punës dhe Mirëqenies Sociale, Fondit të Sigurimeve Shëndetësore, Shërbimit Spitalor Klinik Universitar, Ministrinë e Punëve të Jashtme, Ministrinë e Administratës Publike, Ministrinë e Arsimit, Ministrinë e Punëve të Brendshme përkatësisht të policisë në vlerë prej 4 milionë e 185 mijë euro për blerje e pajisje që janë të nevojshme për policinë e Kosovës.

    Hamza foli edhe për raportin që evidenton se në këtë periudhë, janar – shtator janë realizuar të hyra të përgjithshme në vlerë prej 1 miliard e 676 milionë euro, ndërsa shpenzimet janë në vlerë 1 miliard e 407 milionë euro, sipas të cilit ka rritje të shpenzimeve.

    “Gjithsej, pranimet gjatë nëntëmujorin arritën vlerën 1 miliard e 676 milionë euro me një rritje prej 167 milionë apo 11 për qind më shumë krahasuar me periudhën e vitit paraprak. Gjithsej, pagesat kanë arritur në 1 miliard e 407 milionë me një rritje prej 5.8 për qind apo 77 milionë euro krahasuar me periudhën raportuese si rezultat i rritjes së shpenzimeve buxhetore”, theksoi Hamza.

    Në mbledhjen e sotme është aprovuar edhe vendimi për rivarrimin e dëshmorëve të kombit Afrim Zhitia, Fahri Fazliu, Bahri Fazliu dhe Agron Rrahmani, në Kompleksin e Varrezave të Dëshmorëve në Velani.

    Qeveria në detyrë ka ndarë mjete në vlerë prej 42 mijë euro, për angazhimin e ekspertëve që do të punojnë në përfitimin e fondeve nga projektet MCC.

    Kujtojmë që Qeveria në detyrë nuk ka mbajtur mbledhje që prej 26 korrikut.

    Comodita në panairin M.O.W. po shijon takimet me biznese për mundësi shkëmbimi eksperiencash, rrjetëzimi dhe bashkëpunimi
    Nga Rubrika
    Lajme28 Mars 2024
    Për shkak të mungesës së të akuzuarit Florim Laçi me mbrojtësin e tij, avokatin Ilmi Hoxha, si dhe të akuzuarit Avdush Qukovci,...
    Lajme28 Mars 2024
    Këshilli për Mbrojtjen e të Drejtave dhe Lirive të Njeriut (KMDLNj) ka thënë se Ministria e Shëndetësisë nuk është duke i mbajtur...
    Lajme28 Mars 2024
    Deputetja e Lidhjes Demokratike të Kosovës, Hykmete Bajrami, ka reaguar pasi nuk pati kuroum për votimin e themelimit të Komisionit Hetimor për...
    Të tjera
    Lajme28 Mars 2024
    Deputetja nga radhët e PDK-së, Eliza Hoxha gjatë fjalës së saj në seancën e jashtëzakonshme të Kuvendit të Kosovës, ka folur rreth...
    Lajme28 Mars 2024
    Kryetari i LDK’së, Lumir Abdixhiku, ka thënë se një kompani ka marrë tender sekret 13 herë. Ai ka thënë se në Ministrinë...
    Lajme28 Mars 2024
    Ministri i Ministrisë së Mjedisit, Planifikimit Hapësinor dhe Infrastrukturës, Liburn Aliu, ka folur në seancën e sotme të jashtëzakonshme në Kuvend, ku...
    Vip28 Mars 2024
    Ikona e hip-hopit Ledri Vula, njihet për karrierën e suksesshme muzikore. Ai është këngëtar i dashur dhe i pëlqyer në Kosovë dhe...
    Lajme28 Mars 2024
    Derisa në foltoren e Kuvendit të Kosovës po fliste deputetja e LDK-së, Doarsa Kica-Xhelili, për themelimin e një komisioni hetimor për kontratat...
    Lajme28 Mars 2024
    Deputetja e LDK-së, Hykmete Bajrami i ka reaguar kryeministrit Albin Kurti lidhur me statistikat që ai ka publikuar sa i përket zhvillimit...

    FrontOnline, © 2024 Të gjitha të drejtat e rezervuara.