×
  • Bota/Rajoni
  • Bota/Rajoni

    Shoferi i kamionit nga California postoi mesazhin e fundit, vetëm një ditë para se të vdiste nga coronavirus

    FrontOnline
    02 Korrik 2020

    Një shofer kamioni nga Kalifornia shkruajti një postim tragjik të fundit në Facebook të “ngjyrosur” me keqardhje vetëm një ditë para se të vdiste nga coronavirusi.

    Sipas mediave të huaja, përcjell Telegrafi, Tommy Macias, 51 vjeç, i cili jetonte në Los Angeles, tha se ai kapi virusin vrasës në një aheng në fillim të qershorit, pasi kufizimet e coronavirusit në shtet ishin lehtësuar.

    Në postimin e tij, ai e pranoi se “e kishte fëlliqur” duke mos veshur një maskë dhe duke mos arritur të rrijë larg njerëzve, duke thënë se ndjehej fajtor për rrezikimin e familjes së tij.

    Macias, i cili ishte mbipeshë dhe kishte diabet, i dha fund postimit duke shkruar: ‘Shpresoj se me ndihmën e Zotit do të jem në gjendje t’i mbijetoj kësaj’.

    Por për fat të keq, ai vdiq një ditë më vonë.

    Gustavo Lopez, kunati i tij, i tha NBC se nga marsi deri në fillim të qershorit, Macias po ndiqte udhëzimet dhe po dilte vetëm kur ishte e nevojshme.

    Sidoqoftë, në fillim të qershorit Macias udhëtoi 70 milje në Liqenin Elsinore për të marrë pjesë në një aheng me një grup të madh njerëzish.

    I përfshirë në turmë ishte edhe një mik, të cilin nuk e emëroi Lopez, i cili kishte dalë pozitivë për coronavirus dhe kishte dijeni për diagnozën.

    Por për shkak se ai nuk kishte simptoma, personi mendoi se nuk mund të infektonte njerëzit e tjerë.

    Lopez tha që ai e pa Macias më 11 qershor, menjëherë pas festës, kur ai ‘nuk dukej si duhet’ dhe u duk shumë i djersitur.

    Ishte rreth asaj kohe që shoku i infektuar informoi njerëzit në festën e diagnostikimit të tij, duke i nxitur të tjerët të testoheshin.

    Veç tij, më shumë se një duzinë njerëz që morën pjesë gjithashtu në aheng që prej asaj kohe kanë dalë pozitivë në testin për virusin.

    Macias bëri një test më 16 qershor, i cili u kthye pozitiv më 18 qershor.

    Ai shkruajti postimin e tij të fundit në Facebook më 20 qershor, duke shkruar: “Disa prej jush e dinë, por shumica nuk e dinë. Unë dola para disa javësh dhe kontraktova coronavirusin”.

    “Të hënën unë u testova për të dhe u konfirmua të enjten. Për shkak të marrëzisë sime, unë i vura në rrezik nënën dhe motrat dhe familjen time. Kjo ka qenë një përvojë shumë e dhimbshme”.

    ‘Kjo nuk është shaka. Nëse duhet të shkoni, vishni një maskë dhe praktikoni distancimin shoqëror. Mos jini idiot si unë”.

    “Faleminderit për të gjithë miqtë e mi që më kanë sjellë ushqim dhe të gjithëve që kanë qenë atje për mua”.

    “Shpresojmë se me ndihmën e Zotit do të mund ta mbijetoj këtë. Ju dua të gjithëve”.

    Siç bëhet e ditur, përcjell Telegrafi, Macias u dërgua në spital të nesërmen rreth orës 11 të paradites pasi kishte vështirësi në frymëmarrje dhe një foto e fundit në spital tregon se i jepet oksigjen me një maskë.

    Midis orës 18:00 dhe 7 të mëngjesit, mjekët morën vendimin për ta vendosur atë në një ventilator invaziv. Dy orë më vonë ai vdiq.

    Ndryshe, California është aktualisht një nga shtetet më të goditura me coronavirus në SHBA, që ka parë rritjen e rasteve të saj të përditshme në më shumë se 50,000.

    Loja e madhe ka filluar nga 31 Janar dhe vazhdon deri me 2 Shkurt në Petrol Company
    Nga Rubrika
    Bota/Rajoni29 Mars 2024
    Qeveria e Kroacisë ka nisur procedurat për njohjen e ndërsjellë të patentë shoferëve mes Zagrebit dhe Prishtinës. Kjo u bë e ditur...
    Bota/Rajoni29 Mars 2024
    Erërat me shpejtësi deri në 112 km/h kanë goditur bregdetin jugor të Mbretërisë së Bashku së bashku me breshërin dhe bubullimat. Sipas...
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Të tjera
    Lajme29 Mars 2024
    Kryetari i Kuvendit të Kosovës, Glauk Konjufca, ka shprehur qëndrimin e tij pro themelimit të cdo komisioni hetimor dhe se për këtë...
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...
    Lajme29 Mars 2024
    Shefi i grupit parlamentar i LDK-së, Arben Gashi, konsideron se sot është njëra ndër ditët më të këqija të parlamentarizmit në Kosovë....

    FrontOnline, © 2024 Të gjitha të drejtat e rezervuara.