Ballkani do ta zhvillojë sonte ndeshjen më me rëndësi në histori të klubit, raporton FrontOnline.

Djelmoshat e Ilir Dajës do të luajnë sonte ndeshjen e parë të fazës “play-off” në Ligën e Konferencës.

Në këtë ndeshje, Ballkani do të jetë përballë skuadrës shqiptare, Shkupi.

Kjo ndeshje do të zhvillohet në stadiumin “Todor Proeski” në kryeqytetin e Maqedonisë së Veriut.

Dita e Ballkanit, skuadra e Ilir Dajës luan sonte për histori ndaj Shkupit në “Todor Proeski”

Sfida e sontme do të luhet nga ora 21:00.

Emocionet e kësaj ndeshje, e cila zhvillohet në Shkup, do të mund t’i përjetoni edhe nëpërmjet ekranit televiziv.

Përballja e këtyre dy skuadrave do të transmetohet në dy kanale televizive – RTK1 dhe Supersport.

Ndryshe, ndeshja e kthimit në stadiumin “Fadil Vokrri” në Prishtinë luhet pas një jave./FrontOnline/