Front TV

Shkaku i Coronavirusit, ekonomia në Kosovë pritet të ketë rënie nga -2 deri në -4 %

Shkaku i Coronavirusit, ekonomia në Kosovë pritet të ketë rënie nga -2 deri në -4 %
11:29 | 03 Prill 2020

Fehmi Mehmeti, guvernator i Bankës Qendrore në Kosovë, në një konference për media ka thënë se si pasojë e Coronavirusit do të ketë rënie në ekonomi.

Ai e pranoi se do të ketë edhe ulje të remitencave, raporton Front Online.

“Dëmtimi i ekonomisë ndikon në mirëqenien e qytetarëve. Pritet që të ketë rënie të fitimit. Mund të ketë edhe kriza të jashtme, pra nga të ardhurat nga remitencat. Pakoja e miratuar pritet të jetë një injeksion i nevojshëm për ekonominë, por jo e mjaftueshme”, u shpreh Mehmeti.

Tutje, guvernatori Mehmeti tregoi edhe për masat që i ka marrë institutcioni që ai udhëheq në ekonomi.

Ai ka siguruar qytetarët që bankat kanë mjaftë para të gatshme, raporton më tutje Front Online.

” Banka kane likuiditet dhe nuk do të kenë asnjë problem me paratë e gatshme. Paratë e gatshme janë dezinfektuar. Qytetaret të evitojnë blerjen me paratë e gatshme, ta shfrytëzojnë blerjen me kartelë. Kemi rritje të raportit te likuiditet. Njësoj e mirë gjendja është edhe me depozitat. Pezullimi i pagesave do të bëhet rast pas rasti. Në asnjë rast bankat nuk duhet të rrisin tarifat e tyre. Ekonomia në Kosovë do të ketë rënie nga -2 deri në minius -4%”, deklaroi Mehmeti.

Ai tha se ndaj çdo banke që nuk i respekton vendimet e BQK-së do të merren masat. /FrontOnline/

Super zbritje në “Petrol Company”

Të tjera