Bota/Rajoni

SHBA akuzon 10 shtete se mbështesin trafikimin e qenieve njerëzore

SHBA akuzon 10 shtete se mbështesin trafikimin e qenieve njerëzore
14:55 | 26 Qershor 2020

SHBA ka radhitur 10 vende për të cilat thonë se janë të përfshira në trafikimin të qenieve njerëzore të sponsorizuar nga shteti, ku janë përfshirë shumë kundërshtarë të SHBA-së.

Bëhet fjalë për shtetet: Afganistani, Kina, Eritrea, Irani, Koreja e Veriut, Rusia, Sudani i Jugut, Siria, Turkmenistani dhe Venezuela.

“Është një shtrembërim i arsyes së ekzistencës së çdo qeverie: të mbrojë të drejtat, jo t’i shkelë ato”, tha Sekretari i Shtetit Mike Pompeo përderisa zyrtarisht shpalosi Raportin vjetor të Trafikimit të Personave.

“SHBA nuk do të qëndrojnë pranë asnjë qeverie me një politikë apo model të trafikimit të qenieve njerëzore ku qytetarët e saj i nënshtrohen këtij lloji të shtypjes”, shtoi ai.

Në raport thuhet se Kina ka “një politikë qeveritare ose një model të përhapur të punës së detyruar” që përfshin qendrat e paraburgimit të Pekinit për pakicën muslimane ujgure në Xinjiang.

Për Afganistanin thuhet se “ka një politikë qeveritare ose një model skllavërie seksuale në përbërjet qeveritare”, tha ai, duke iu referuar praktikës së djemve të rinj të skllavëruar seksualisht të njohur në vend si “bacha bazi” dhe përdorimit të fëmijëve ushtarë.

Grupi i kombeve “Tier 3” gjithashtu përfshin qeveritë që nuk respektojnë plotësisht “standardet minimale dhe nuk bëjnë përpjekje të rëndësishme për t’i plotësuar ato”. Gjithsej ka 19 vende në përcaktimin më të gjerë të nivelit më të ulët, transmeton Anadolu Agency (AA).

Një vend që përfshihet në këtë grup, u ekspozohet sanksioneve të mundshme dhe ndërprerjes së ndihmës së huaj.

Përfito FALAS një pushim për çift në Budva

Të tjera