Aktorja e famshme Sharon Stone, pas 13 vitesh foli për humbjen e kujdestarisë së djalit të saj Roan të cilin ajo e kishte nga martesa me gazetarin amerikan Phil Bronstein. Ajo pranoi se nuk mund të funksiononte normalisht dhe se qante gjithë ditën.

“Pasi humba kujdestarinë time kryesore mbi Roan, thjesht nuk mund të funksionoja më. Unë u shtriva në divan gjithë ditën dhe isha jashtëzakonisht e lodhur nga të qarat gjithë ditën”, tha Sharon për revistën ‘Saga’. “Nuk mund të përqendrohesha në asgjë përveç që të përqafoja sërish djalin tim. Asgjë nuk kishte rëndësi përveç kthimit të tij”, shtoi aktorja.

Sharon nuk u lejua të zbulonte detajet e betejës së kujdestarisë dhe u desh të nënshkruante një marrëveshje konfidencialiteti. Ajo u divorcua nga Phil më 2004 dhe humbi kujdestarinë katër vjet më vonë. Roan ishte 8-vjeç në atë kohë dhe u vendos që Sharon të lejohej ta takonte një herë në muaj.

Në një kohë kur Sharon po luftonte për kujdestari, në publik kishte zëra se ajo planifikonte të injektonte Botox në këmbët e djalit të saj në mënyrë që ajo të mos djersiste dhe të kishte erë të pakëndshme./FrontOnline/