Sot në 84 shkolla në Kosovë u mbajt pjesa e dytë e testit të maturës. Atij ju nënshtruan gjithsej 8 mijë e 300 nxënës.
Sipas Drejtoreshës së Arsimit në komunën e Prishtinës, Shpresa Shala, procesi i testimit të rreth 1 mijë maturantëve në nëntë shkollat në Prishtinë shkoi pa ndonjë problem dhe në të gjithat u përfillen rregullat anti COVID-19.
“Kësaj radhe ky proces ishte më lehtë i menaxhueshëm pasi numri i nxënësve është më i vogël. Pres që edhe këta me sukses ta kalojnë këtë test”, tha ajo.
