×
  • Lajme
  • Lajme

    Sektori Privat: Turp për deputetët që po pengojnë zbatimin e pakos emergjente

    FrontOnline
    07 Korrik 2020

    Kryetari i Sindikatës së Pavarur të Sektorit Privat, Jusuf Azemi, ka deklaruar se rreth 40 për qind e mjeteve të pakos emergjente fiskale, janë keqpërdorur.

    Në një konferencë për media pas takimit me ministren e Financave, Hykmete Bajrami, Azemi ka thënë se mjetet e ndara nuk kanë shkuar te punëtorët.

    Ai ka shtuar se këto parregullsi janë adresuar në prokurori, ndërsa ka kërkuar nga Bajrami që të mos ketë keqpërdorime të tilla në pagesat e dyta.

    “Ministren e kemi njoftuar lidhur me keqpërdorimet që janë bërë tek bartja e mjeteve, kryesisht tek pagat e punëtorëve, për të cilët kemi dhënë një njohuri që 30-40 përqind të mjeteve nuk kanë shkuar tek punëtorët, por janë keqpërdorë. Ne ofruam një bashkëpunim për eliminimin e keqpërdorimeve që janë bërë në rundin e parë dhe të mos ndodhë edhe në rundin e dytë. Ne i kemi thënë (ministres) nëse ndodhin keqpërdorimet edhe në raundin e dytë, një pjesë përbërëse e keqpërdorimeve për të cilën ajo na ka garantuar se shteti me gjithë mekanizmat e vet do të influencojë dhe do të jetë prezent çdo kund aty ku janë bërë keqpërdorimet, normal duke i ofruar faktet edhe ne”, theksoi Azemi.

    Azemi u ka bërë thirrje deputetëve që ta votojnë rishikimin e buxhetit sepse është turp për ta që tua pamundësojnë punëtorëve kafshatën e gojës me pagën 170 euro, si masë nga pakoja emergjente fiskale.

    “Çelësi, hë për hë për ndarjen e mjeteve të rundit të dytë është tek deputetët e parlamentit të Kosovës, dhe me plotë përgjegjësi po e them ata gjithçka mund të jenë, vetëm deputetë s’mund të jenë, sepse vetëm për teket e tyre nuk e aprovojnë rishikimin e buxhetit të Kosovës, me të cilin qeverisë i jepet mundësi të bënë ndarjen e mjeteve. Andaj, të sanksionohet kafshata e bukës të një punëtori, i cili në fund të muajit pret që t’i marrë 170 euro e për dëshirën e tyre këta deputetë nuk e aprovojnë këtë ligj, unë them që gjithçka mund të jenë, por jo edhe deputetë të parlamentit të Kosovës. Pra, është marre për veprimet çka janë duke bërë. Edhe ministrja e pranoi, që nëse nuk do të aprovohet rishikimi i buxhetit, atëherë nuk ka arsye pse të ekzistojë kjo qeveri”, tha ai.

    Po ashtu, Azemi theksoi se takim me ministren Bajrami është biseduar edhe për tërheqjen e 10 për qind të mjeteve nga Trusti, ku ka treguar se nuk do të ketë rimburësim të mjeteve nga Qeveria.

    “Një pikë e veçantë ka qenë edhe tërheqja e mjeteve nga Trusti, që për një kohë të gjatë është biseduar sesi të veprohet dhe qysh në fillim e pranoi edhe ministrja që 10 përqind nga Trusti pensional ta rimburësojë, por megjithatë sot definitivisht e tha se tërheqja e mjeteve ndoshta për një kohë të shkurt mund të bëhet, por qeveria e Kosovës nuk do të ketë mundësi dhe fuqi që ta rimburësojë… Ne si sindikatë kemi kërkuar që në vendet ku ka qenë rrezikshmëria e punëtorëve teknikë dhe të sigurimit ku ka rrezikshmëri nga pandemia të vazhdohet edhe për nga 2 muaj pagesa sepse ata janë në gjendje shumë më të rëndë sesa punëtorët publik edhe një pjesë e sektorit privat që nuk kanë rrezikshmëri të lartë”, theksoi ai.

    Ndryshe, ende nuk janë proceduar nga Ministria e Financave ndryshimet ligjore për Trustin në Qeveri dhe pastaj në Kuvend.

    Nga Rubrika
    Lajme23 Prill 2025
    Prokuroria Themelore në Prizren ka njoftuar se ka zbuluar një laborator të drogës  dhe kanë arrestuar tre persona të dyshuar. Ata dyshohet...
    Lajme23 Prill 2025
    Gjykata Kushtetuese ka vendosur që ta shfuqizojë Ligjin për Komisionin e Pavarur të Mediave. “Gjykata, njëzëri ka vendosur (i) të deklarojë kërkesat...
    Lajme23 Prill 2025
    Gjykata Kushtetuese ka vendosur që t’i japë dritën e gjelbër Ligjit për Këshillin Prokurorial të Kosovës. Në njoftim thuhet se Gjykata ka...
    Të tjera
    Lajme23 Prill 2025
    Kryetari i Partisë Demokratike të Kosovës (PDK), Memli Krasniqi, ka bërë publike pasurinë e tij përmes deklarimit vjetor pranë Agjencisë Kundër Korrupsionit,...
    Sport23 Prill 2025
    Amir Rrahmani është mbrojtësi më i vlerësuar në Serie A dhe këtë e thonë më së miri notat e tij gjatë gjithë...
    Lajme23 Prill 2025
    Deputetja e Kuvendit të Kosovës nga radhët e Lëvizjes Vetëvendosje, Fitore Pacolli, ka dorëzuar deklaratën e saj vjetore të pasurisë pranë Agjencisë...
    Lajme23 Prill 2025
    Në çështjen gjyqësore ndaj Hashim Thaçit, Kadri Veselit, Rexhep Selimit dhe Jakup Krasniqit, janë vendosur disa afate kohore lidhur me mocionin e...
    Lajme23 Prill 2025
    Deputeti i Lëvizjes Vetëvendosje, Valon Ramadani, ka deklaruar pasuri të konsiderueshme në formularin e deklarimit të pasurisë për vitin e fundit. Sipas...
    Vip23 Prill 2025
    Laert Vasili, i cili u shpall i treti në finalen e madhe të Big Brother, ishte sot në një rrëfim në Shqipëria...

    FrontOnline, © 2025 Të gjitha të drejtat e rezervuara.