Me 30 korrik 2020, Ministria e Shëndetësisë e cila udhëhiqej nga Armend Zemaj, kishte hapur konkurs për specializimin e 1 mijë e 34 mjekëve
Ky konkurs u hap pas 4 vjetëve pauzë.
Qe nga momentin i shpalljes, vendimi për këtë konkurs u përcoll me akuza e kundërshtime.
Vet Oda e Mjekëve të Kosovës po e sheh këtë konkurs për specializantë si të manipuluar.
Kryetari i Odës së Mjekëve të Kosovë, Pleurat Sejdiupër Front Online, ka treguar se kanë kërkuar nga ministri Arben Vitia që ta auditoj këtë konkurs për shkak të parregullsive.
“Ne që nga fillimi e kemi kundërshtuar këtë proces si të paplanifikuar. Tani është një kaos total. Janë dhënë zyrtarisht mbi 1700 specializime ne kemi informata që janë edhe 200, 300 nën tavolinë prandaj kemi kërkuar nga ministri Vitia që të bëhet një auditim”, ka thënë Sejdiu për Front Online.
Ai më tutje është shprehur se në bazë të informatave që i kanë tashmë ka filluar auditimi në Ministrinë e Shëndetësisë.
“Ky është një kaos i cili do të reflektoj pas 4 apo 5 vjetëve. Sa kemi informata një auditim i tillë ka filluar”, u shpreh Sejdiu për Front Online.
Front Online ka pyetur në Ministrinë e Shëndetësisë lidhur me këto deklarime të kryetarit të Odës së Mjekëve, por ata nuk i janë përgjigjur interesimit të portalit.
Në këtë konkurs, të shpallur me 30 korrik të vitit të kaluar, për kategorinë e parë do të specializohen 256 mjekë, dhjetë të tjerë mund të specializohen me vetëfinancim, ndërsa në kategorinë e dytë do të specializohen 162 mjekë nga lëmi të ndryshme, dhe 532 të tjerë mund të specializohen me vetëfinancim. Në anën tjetër nga institucionet private shëndetësore do të specializohen 76 mjekë.