Lajme

Së shpejti inspektorët sanitarë do të shqiptojnë gjoba me pajisje elektronike

Së shpejti inspektorët sanitarë do të shqiptojnë gjoba me pajisje elektronike
23:59 | 27 Nëntor 2021

Komisioni Evropian u ka siguruar tabletë inspektorëve sanitarë për punë në terren. Së shpejti inspektorët do të shqiptojnë gjoba me pajisje elektronike.

Në tavolinën e Inspektoratit Sanitar kanë arritur një numër i madh i pajisjeve elektronike. Këta tabletë aktualisht po programohen në mënyrë që të jenë gati për inspektorët.

Tash e tutje ata do të kryejnë inspektime në një platformë që pritet të krijohet së shpejti.

Lamir Thaçi, zëdhënësi në Agjencisë së Ushqimit dhe Veterinarisë thotë se projekti është në fazën e parë, dhe se këta tabletë u kanë ardhur nga Komisioni Evropian.

Në këtë sistem do të mund të kenë qasje edhe qytetarët, për të parë gjobat e tyre.

Nga kjo Agjenci thonë se do të ketë një transparencë për punën që inspektorët e bëjnë në terren.

Inspektorët po vazhdojnë të jenë në krye të detyrës për të shikuar se a po respektohen masat anti-Covid dhe vetëm gjatë javës së fundit janë shqiptuar më shumë se 150 gjoba./T7

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera