Së paku dhjetë persona kanë vdekur në një sulm me armë dhe bombë në një hotel në kryeqendër të Somalisë, Mogadishu, shkruan BBC.
Një veturë plotë me eksplozivë është përplasur në hotelin Elite në zonën e plazhit Lido, pas së cilit persona të armatosur janë futur në ndërtesë dhe kanë marrë pengje.
Është njoftuar se forcat e sigurisë kanë rikthyer kontrollin e hotelit. Grupi i militantëve islamist al-Shabab ka thënë se luftëtarët e vet ishin prapa këtij sulmi.
“Ka ende të shtëna sporadike me armë”, ka thënë zyrtari i sigurisë në Qeveri, Ahmed Omar për agjencinë AFP. “Numri i të vdekurve mund të rritet ende pasi shpërthimi ishte i madh dhe kishte pengje të përfshira”.
Madje në disa mediume është raportuar për 15 të vdekur.
Në mesin e të vdekurve raportohet se është një zyrtar i lartë i Ministrisë së Informimit dhe po ashtu një zyrtar i Ministrisë së Mbrojtjes.
Javën e kaluar gjatë të shtënave me armë mes anëtarëve të grupit al-Shabab dhe forcave të sigurisë, në një burg, kishin humbur jetën 20 persona.
