Rreth 430 mysafirë nga vendi dhe jashtë kanë qenë pjesë e samitit të sivjetmë “Maqedonia 2025” në kuadër të së cilës u mbajtën 14 panele për tema të rëndësishme, ndërsa morën pjesë më shumë se 40 folës të cilët ndanë përvojat dhe njohuritë e tyre në sfera të ndryshme.

Samiti bashkoi liderë të shumtë vendor dhe rajonal në sferën e biznesit, aktorë shoqëror dhe politik, ekspertë nga bashkësia akademike dhe përfaqësues të sektorit qytetar. Panelet e samitit që këtë vit u mbajtën për herë të 11-të i janë kushtuar temave aktuale si transformimi digjital i bizneseve dhe shoqërisë, liderizmit në biznes, potencialit të “bllok- çejn” teknologjive dhe kriptovalutave, ose qasjeve të mundshme në implementimin e tyre.

“Maqedonia 2025” e ka iniciuar edhe Platformën për një të ardhme prosperuese e cila bazohet në shtatë sfera kyçe- arsim dhe kapital njerëzor, konkurrencë dhe biznes, sundim të së drejtës dhe luftës kundër korrupsionit, shoqëri demokratike, mjedis jetësor, menaxhim publik, digjitalizim dhe përvoja digjitale.

Platforma ofron edhe hallkë për matjen e progresit të vendit në këtë sfera me qëllim avancimin e rritjes dhe zhvillimit ekonomik. Nikica Bllazhevska – Mojsoska, drejtore ekzekutive e “Maqedonia 2025” ka falënderuar të pranishmit dhe shpreson se samiti ka inspiruar dhe inkurajuar ndryshime në shoqëri dhe ekonomi.