Lajme

Sami Lushtaku: Vendimi i Speciales është absurd, jam i shokuar

Sami Lushtaku: Vendimi i Speciales është absurd, jam i shokuar
11:25 | 18 Maj 2022

Gjykata Speciale i ka shpallur fajtorë dhe i ka dënuar me nga katër vjet e gjysmë burgim dhe gjobë prej nga 100 euro Hysni Gucatin dhe Nasim Haradinajn, ish-drejtues të Organizatës së Veteranëve të Luftës së Ushtrisë Çlirimtare të Kosovës (OVL-UÇK).

Atyre do t’ju llogaritet edhe koha e kaluar në paraburgim.

E lidhur me vendimin e Gjykatës Speciale, për FrontOnline, ka folur ish-komandanti i UÇK-së, Sami Lushtaku.

Ai tha se vendimi i Speciales për Gucatin e Haradinajn, është absurd dhe se nuk pret që kjo gjykatë të bëjë drejtësi.

Lushtaku tha për Front Online se është i shokuar me vendimin.

“Vendimi i gjykatës speciale për t’i dënuar me 4 vjet e gjysmë  Gucatin e Haradinajn është një vendim  absurd i llojit të vet.  Unë nuk pres nga ajo gjykatë me bo drejtësi, d.m.th. jam i shokuar me këtë rast”, tha Lushtaku.

Hysni Gucati dhe Nasim Haradinaj u arrestuan më 25 shtator 2020 në Prishtinë, Kosovë, dhe u transferuan në objektin e paraburgimit të Dhomave të Specializuara të Kosovës, përkatësisht më 25 dhe 26 shtator 2020./Front Online/

 

Comodita nis 35 kontejnerë me dyshekë për në SHBA

Të tjera