Sami Kurteshi duket se nuk e ka pritur aspak mirë reagimin për votën që e ka bërë në lidhje me verifikimin e votave të diasporës me telefonata.
Në mbledhjen e sotme të Komisionit Qendror Zgjedhor, Kurteshi u dëgjua derisa bërtiste dhe kërkonte të konsultohej për çdo mbledhje që mbahej.
“Nuk ka pa Sami Kurteshin, pa e konsultu Sami Kurteshin,” tha Kurteshi.
Daka i kërkoi atij të mos bërtiste “Që don dalim jashtë e bërtasim,” – i tha.
Kurteshi pati përplasje edhe me përfaqësuesin e LDK-së bë KQZ. Ai tha se lajmi kinse aplikacioni kërkon donacione është gënjeshtër e partive të kriminalizuara.
“Kjo është gënjeshtër e partive të kriminalizuara”, i tha Kurteshi, anëtarit të LDK-së.
I menjëhershëm ishte reagimi i Sami Hamitit të LDK-së.
“Gënjeshtari më i madh je ti, ti i pari je rrenc dhe gënjeshtar, se je msu me çu zanin”, ka thënë Hamiti.
Tensionet ndërkohë po vazhdojnë ende.