Front TV

Sadiku: Testet serologjike nuk kanë rëndësi diagnostikuese, 45% e qytetarëve asimptomatik

Sadiku: Testet serologjike nuk kanë rëndësi diagnostikuese, 45% e qytetarëve asimptomatik
20:29 | 14 Korrik 2020

Qeveria e Kosovës kohëve të fundit ka lejuar edhe testimet serologjike, të cilat pritet të kryhen në spitale dhe në laboratore private, për të identifikuar nëse një person e ka pasur Coronavirusin apo jo.

Lidhur me këtë lloj testimi, infektologu Izet Sadiku në një intervistë për Front Online, ka thënë që të njëjtat nuk kanë karakter diagnostikues.

LEXO EDHE: Paralajmëron infektologu: Rreth 45 % e qytetarëve të Kosovës janë asimptomatik me Covid-19

“Faktikisht dihet që testet serologjike nuk kanë shumë rëndësi diagnostikuese për të ditur nëse dikush është i prekur me Coronavirus apo jo. Ato kanë më shumë rëndësi për të ditur se si ekziston situata në popullatë, pra se sa njerëz e kanë kaluar sëmundjen, për arsye se njëra nga karakteristikat e pandemisë ka me qenë edhe me e ditë se sa është përafërsisht numri i atyre që e kanë kaluar sëmundjen”, ka thënë infektologu.

Sipas tij ka gjasa që shumë qytetarë ta kenë kaluar virusin pa pasur simptoma.

“Sipas informatave diku 40-45% të qytetarëve me Covid-19, janë asimptomatik, që do të thotë qe janë të infektuar dhe nuk kanë simptoma. Prandaj një pjesë e tyre mund ta kalojë sëmundjen pa e ditur që e ka kaluar dhe kjo pastaj ndikon që ne të mos kemi informacione të sakta”, ka thënë tutje ai.

Infektologu Krasniqi poashtu ka theksuar nevojën edhe për testime masive.

Është koha të shijojmë çokollatën më të mirë..

Të tjera