×
  • Lajme
  • Lajme

    ‘Sabër bre pak’, ‘s’mundesh me ma ndalu’, përplasjet e tensionet e djeshme në KQZ mes Dakës e përfaqësuesve të VV’së

    FrontOnline
    23 Janar 2021

    Mbledhja e djeshme e Komisionit Qendror të Zgjedhjeve ku është diskutuar dhe vendosur për certifikim të partive dhe listave të kandidatëve për deputetë është përcjellë me tensione e përplasje të shumta mes anëtarëve të VV’së dhe kryetares së KQZ’së, Valdete Daka.

    Sami Kurteshi dhe Alim Rama të cilët kanë përfaqësuar Vetëvendosjen në vazhdimësi kanë kundërshtuar Dakën dhe kanë insistuar që të votohet rekomandimi i zyrës për certifikim, rekomandim i cili sygjeroi votim në pako.

    Një gjë e tillë u kundërshtua nga përfaqësuesit e partive që i kishin ndërruar tashmë kandidatët që ishte gjetur se kanë probleme me ligjin.

    Alim Rama përfaqësues i Lëvizjes Vetëvendosjes ka pasur përplasje të vazhdueshme me kryesuesen e komisionit, Valdete Daka, e cila gjatë kohës sa ishte duke folur Rama, u mundua t’ia ndalojë fjalën.

    “Më fal kryesuese, sabër bre pak, sabër qetësi merre me të lirë.  Cdo vonesë ndikon në proces zgjedhor”, thotë Rama.

    Ndërsa, ishte duke vazhduar të flasë se sa shumë mund të ndikojë në procesin e zgjedhjeve nëse sot nuk votohen kandidatët për deputetë.

    “Më fal a bon ta kryjë se unë kërkujt nuk i ndërhyna në fjalë..Kryesuse s’mundesh me ma ndalu, unë du me shpreh mendimin tem..Ju mundeni me dalë por mbledhja s’u kry”, ka vazhduar diskutimin Rama.

    Përveç përplasjeve pati edhe momente qesharake.

    Teksa kryetarja e KQZ’së, Valdete Dakaj ia dha fjalën Yll Buleshkajt, Drejtorit të Zyrës për Regjistrimin e Partive Politike dhe Certifikim, Alim Rama i Vetëvendosjes pyeti nëse mund të flasë.

    “Ani a je drejtor ti a Ylli”, iu drejtua Daka Ramës, përgjigje e cila shkaktoi të qeshura në sallë.

    Përveç kësaj, Sami Kurteshi nga VV-ja ka pasur mospajtime rreth interpretimeve të neneve me kryesuesen e komisionit, Valdete Daka.

    Megjithkëtë, ka pasur anëtarë të cilët edhe e kanë lëshuar mbledhjen e KQZ-së.

    Anëtari i LDK-së në KQZ, Sami Hamiti ka lëshuar sallën derisa anëtarët e VV-së kërkuan që të mos ketë pushim dhe që menjëherë të votohej rekomandimi i Zyra për regjistrimin e partive politike, që të certifikoheshin paritë si pako.

    Sami Hamiti i LDK-së duke lëshuar sallën

    Ditë më parë, Valdete Daka u akuzua nga nënkryetari i Kryesisë së Lëvizjes Vetëvendosje, Glauk Konjufca, i cili në një emision televiziv tha se Daka është ajo që po ndikon në KQZ që të ketë eliminim politik për Albin Kurtin.

    “Personi i cili në KQZ po ndikon që edhe kërkesa me qenë sugjestive edhe kundër Albin Kurtit është Valdete Daka. Ata po dojnë eliminim politik”, kishte thënë Konjufca.

    Daka i është kundërpërgjigjur Konjufcës, duke thënë se nuk e mbështet asnjë parti politike.

    Valdete Daka u ofendua edhe nga qytetarë të shumtë të cilët e shanë dhe ofenduan me fjalë të ndryshme nëpër rrjete sociale si dhe në grupin “meKryeministrin”.

    Disa nga komentet ishin: “Farë e f**qt he bota nanen ia q**ft”, “e shpifur”, “hajdujka”.

    Njëri nga komentuesit tha se “n’sabah kryqin e shkavin asht mire m’ja ngul në ball”.

    Dje, KQZ-ja nuk ka certifikuar listën për deputetë të Lëvizjes Vetëvendosje . Kjo pasi që ‘pro’ certfitikimt të listës së VV’së kanë qenë vetëm pesë anëtarë të KQZ’së.

    Levizja Vetëvendosje nuk ka zëvëndësuar kandidatët për të cilët KGJK ka konfirmuar se kanë probleme me ligjin, përfshirë këtu edhe Albin Kurtin.

    Shqipëria mbushet me turistë kosovarë falë Sharr Travel
    Nga Rubrika
    Lajme29 Mars 2024
    Presidentja Vjosa Osmani ka falënderuar të gjithë ata që po e përkrahin Kosovën në procesin e anëtarësimit në Këshillin e Europës. Ajo...
    Lajme29 Mars 2024
    Ministri i Mbrojtjes i Italisë, Guido Crosetto, pas takimit me homologun kosovar, Ejup Maqedonci në Prishtinë, ka deklaruar se stabiliteti i Ballkanit...
    Lajme29 Mars 2024
    Ka dështuar të mbahet seanca e së premtes shkaku se ka munguar e pandehura Haxhere Berisha, e cila akuzohet bashkë me nëntë...
    Të tjera
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...
    Lajme29 Mars 2024
    Shefi i grupit parlamentar i LDK-së, Arben Gashi, konsideron se sot është njëra ndër ditët më të këqija të parlamentarizmit në Kosovë....
    Sport29 Mars 2024
    Organizatori i Kampionatit Evropian, UEFA tha të enjten se do të dëgjojë trajnerët e ekipeve kombëtare nëse duan të zgjerojnë numrin e...
    Lajme29 Mars 2024
    Ministri i Mbrojtjes, Ejup Maqedonci, ka pritur në takim homologun e tij italian, Guido Crosetton, i cili është duke qëndruar për vizitë...

    FrontOnline, © 2024 Të gjitha të drejtat e rezervuara.