Vetëm një mijë e 17 vota ka arritur të marrë kandidati për president nga radhët e Aleancës për Ardhmërinë e Kosovës, Ramush Haradinaj në zgjedhjet e 14 shkurtit.
Këto vota Haradinaj i mori në komunën e Obiliqit e cila për disa mandate udhëhiqet pikërisht nga kjo parti, e kryetar i saj është Xhafer Gashi, shkruan Front Online.
Këto të dhëna janë publikuar në rezultatet e formularëve të 34 vendvotimeve në Obiliq.
Sipas të dhënave preliminare të Komisionit Qendror të Zgjedhjeve, për zgjedhjet parlamentare të mbajtura më 14 shkurt 2021, Lëvizja Vetëvendosje e udhëhequr nga Albin Kurti, fitoi rreth 48 për qind, pasuar nga Partia Demokratike e Kosovës me 17.35 për qind.
E treta është radhitur Lidhja Demokratike e Kosovës me 13.18 për qind dhe në vendin e katërt është Aleanca për Ardhmërinë e Kosovës me 7.42 për qind./Front Online/