Dhjetëara policë special të EULEX’it, ditë më parë zhvilluan një operacion të madh tek zyrat e OVL’së dhe UÇK’së.

Ata po asistonin Policinë e Zyrës së Prokurorit të Specializuar, edhe arrestuan kreun OVL’së Hysni Gucatin.

Gjithë punën nga EULEX e kryen, duke u bazuar në dy vendime të Këshillit të Bashkimit Europian.

E në dy vendimet e BE’së që i ka siguruar T7, tregohet edhe sa para janë ndarë për të mbështetur kryerjen e procedurave gjyqësore, në Dhomat e Specializuara dhe Zyrën e Prokurorit të Specializuar me selinë Hagë.

Ndërsa, një shumë të përafërt EULEX e gëzon edhe kur i del në ndihmë Policisë së Kosovës.

Në total, shuma financiare që mbulon shpenzimet e EULEX KOSOVO nga 15 qershori 2020 deri në 14 Qershor 2021, sa e ka të vazhduar mandatin, del të jetë 83 745 000 EUR.

E nga misioni për sundim të Ligjit në Kosovë, EULEX tregojnë se si rregullohet çështja e financimit të tyre.

Siç thonë ata në një përgjigje për T7, buxheti i tyre financiohet nga Buxheti i Përgjigthshëm i Bashkimit Europian.

Mandati i EULEX’it ishte vazhduar në korrik të këtij viti, pas një letërkëmbimi që ndodhi në mes presidentit Hashim Thaçi dhe Jose Borrellit.