Moska paralajmëroi Uashingtonin se përfshirja eventuale e Rusisë në listën e vendeve që sponsorizojnë terrorizmin do të ishte, nga ana diplomatike, një pikë pa kthim dhe një shkas për një ndërprerje totale të marrëdhënieve midis dy vendeve, raportoi sot “Guardian”. .

Drejtori i Departamentit për Amerikën e Veriut në Ministrinë e Punëve të Jashtme të Rusisë, Aleksandër Darçiev, iu referua nismës në Kongresin Amerikan për të shpallur Rusinë “sponsor të terrorizmit”.

“Ne paralajmërojmë amerikanët për pasojat e dëmshme të veprimeve të tilla, të cilat do të dëmtojnë përgjithmonë marrëdhëniet dypalëshe, gjë që nuk është as në interesin tonë dhe as të tyre”, tha drejtori i Departamentit të Amerikës së Veriut në Ministrinë e Punëve të Jashtme të Rusisë./FrontOnline/