Bota/Rajoni

Rusia njofton se kujt do t’i shesë grurin e vjedhur ukrainas

Rusia njofton se kujt do t’i shesë grurin e vjedhur ukrainas
12:12 | 05 Korrik 2022

Yevgenij Balicki, kreu i administratës pro-ruse në rajonin e okupuar ukrainas të Zaporizhzhia, tha se rajoni planifikon të shesë grurë ukrainas në Lindjen e Mesme, njoftoi agjencia ruse pro-regjimit TASS.

Agjencia ruse thotë se vendet kryesore të përfshira në tregti janë Iraku, Irani dhe Arabia Saudite. Kujtojmë se Ukraina e ka akuzuar vazhdimisht Rusinë për vjedhjen e grurit të Ukrainës, gjë që Moska e ka mohuar.

Dje, një zyrtar i lartë turk konfirmoi se Turqia kishte ndaluar një anije mallrash ruse në Detin e Zi për të hetuar pretendimet e Ukrainës se ajo po transportonte grurë të vjedhur./FrontOnline/

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera