Në një video që po qarkullon në rrjetin social Twitter, për të cilën thuhet se është realizuar në Rusi, dëshmohet edhe njëherë bashkëpunimi ruso-serb kur bëhet fjalë angazhimi kundër Kosovës.

https://twitter.com/i/status/1556362902290026496

Në këtë video, shihen disa të rinj, me pankartën e targave ilegale të Mitrovicës “KM”, e cila u përdor si fletushka ngjitëse ditët e fundit në komunat veriore të Kosovës dhe gjersa mbajnë pankartën në duar, ata brohorasin “Kosova është zemra e Serbisë”.

Fletushka ngjitëse, e cila u shndërrua në pankartë në Rusi, është disenjuar nga serbët e Kosovës, të cilët kundërshtojnë implementimin e unifikimit të targave të Republikës së Kosovës.

Përveç marrëdhënieve të mira në mes të Moskës zyrtare dhe Beogradit zyrtar, ndikimi rus është rritur ndjeshëm edhe në komunat veriore të Republikës së Kosovës./FrontOnline/