×
  • Opinione
  • Opinione

    Rritje e çmimeve apo rritje ekonomike?!

    FrontOnline
    26 Tetor 2021

    Rritja e hovshme e çmimeve në vend, pothuajse në të gjithë artikujt, e që rëndon xhepin e qytetarëve, është ndër temat më të përfolura ditëve të fundit.

    Në fakt kjo do duhej të ishte tema kryesore e qeverisë, për të marrë masa preventive në bazë të trendit global të ekonomisë, përmes stimujve të ndryshëm, që sado pak të mund të evitoheshin pasojat ekonomike dhe sociale të qytetarëve të vendit tonë.

    Këto diskutime është normale të bëhen nga të gjithë sepse secili në mënyrë direkte e inderekte është duke u ballafaquar dhe sfiduar me koston e lartë e çdo ditë në rritje dhe që siç duket nuk do këtë ndonjë stabilitet të shpejtë.

    Por më shqetësuese është fakti se kemi dy tabore të ndryshme; në njërën anë janë qytetarët që më të drejtë shqetësohen për ngritjen e çmimeve dhe koston e papërballueshme, e në anën tjetër Qeverinë e Republikës së Kosovës, që më çdo kusht mundohet ta shesë si rritje ekonomike dhe si rezultat i përformancës së mirë!

    Sigurisht që në rastin konkret Qeveria përdor të gjithë mekanizmat që ka në dispozicion për të vërtetuar diçka që është shumë diskutabile dhe lë shumë për të dëshiruar.

    Zakonisht rritja ekonomike edhe mund të ndodh por edhe do të duhej të ndodhte nga një qeverisje e mirë me përformancë të mirë eknomike.

    Qeveria do të duhej të krenohej për rritje ekonomike atëherë kur:

    • Kemi ndryshime të politikave makro – fiskale e që japin efektin e vet në përformancën me të mirë të ekonomisë. Në Kosovë ka vite që nuk është ndryshuar asnjë politkë makrofiskale.

    • Kur kemi investime të huaja direkte qindra milionëshe apo edhe miliardëshe, e në Kosovë ka vite që kemi rënie drastike të këtyre investimeve. Ndërkaq, janë ndërprerë të gjitha projektet edhe ato që kanë qenë në implementim e sipër.

    • Kur kemi kombinime të shumta të politikbërjes, të rritjes së investimeve publike përmes nxitjes së investimeve dhe përkrahjes së mikro dhe makro bizneseve.

    Një gjë e tillë as që është duke ndodhur e as që pritet të kemi ndonjë lëvizje për politika të investimeve të tilla.

    Rritja e çmimeve sigurisht se vjen edhe si rezultat i trendeve në ekonominë globale, por është Qeveria ajo që përmes rregullatorëve të saj, duhet të ruajë ekuilibrin e tregut, për të mos dëmtuar dhe vështirësuar jetën e qytetarëve.

    Rritja e çmimeve, në terma nominal prek rritjen ekonomike në periudhë afatshkurtër, por rritja reale pas mbylljes së cikleve vjetore do jetë një zhgënjim i madh për të gjithë.

    Kjo do të këtë pasojat afatgjata dhe kostoja e secilës do të jetë shumë me e lartë se në rast të marrjes së masave preventive në kohën e duhur.

    Qeveria nuk duhet të manipulojë me rritjen ekonomike nominale në periudha afatshkurta kohore, sepse shifrat në ekonomi mund të kthehen bumerang për periudhën me afatgjatë.

    Autori është ekonomist dhe profesor universitar.

    Po vjen “Cyber ZERO” eventi që jep përgjigje për çdo lloj kërcënimi online
    Nga Rubrika
    Opinione28 Mars 2024
    Nga: Albert Prenkaj Situata e re e krijuar me inkursionin ushtarak rus në Ukrainë dhe mundësia e derdhjes së konfliktit në Ballkan...
    Opinione27 Mars 2024
    Nga Thomas Latschan: Sipas informacioneve të Ministrisë së Shëndetësisë në Rripin e Gazës (i cili kontrollohet nga Hamasi), pothuajse 32 mijë vetë...
    Opinione26 Mars 2024
    Nga Bernd Riegert: NATO sulmoi trupat serbe në vitin 1999 për të parandaluar një katastrofë humanitare në Kosovë. Krahasimi me Ukrainën është...
    Të tjera
    Kronika29 Mars 2024
    Policia e Kosovës ka njoftuar se ka arrestuar një person në Prizren, pasi i njëjti kishte ushtruar dhunë fizike ndaj katër personave....
    Kronika29 Mars 2024
    Një grua ka njoftuar policinë se derisa ka qenë në vendin e saj të punës, ka hyrë një person i dyshuar me...
    Kronika29 Mars 2024
    Është arrestuar një person në Pejë nën dyshimin për përgatitje të veprës penale “vrasje e rëndë”. Sipas raportit policor, i dyshuari me...
    Bota/Rajoni29 Mars 2024
    Artileri e madhe ushtarake serbe, është parë duke u larguar mbrëmë nga komunat e Luginës së Preshevës. Klan Kosova ka siguruar pamje...
    Lajme29 Mars 2024
    Ish-kryeministri i Malit të Zi, Dritan Abazoviq, ka thënë se vota kundër Kosovës e Malit të Zi në Komitetin për Politikë dhe...
    Bota/Rajoni29 Mars 2024
    Dy tërmete kanë goditur mëngjesin e ditës së premte Greqinë. Sipas mediave të huaja, përcjell Telegrafi, bëhet fjalë për dy tërmete, njëri...

    FrontOnline, © 2024 Të gjitha të drejtat e rezervuara.