Ekonomi

Rritet çmimi i importeve, ekonomistët: Goditje për bizneset e qytetarët

Rritet çmimi i importeve, ekonomistët: Goditje për bizneset e qytetarët
18:45 | 06 Dhjetor 2021

Bizneset kosovare blenë më shtrenjtë produkte në tremujorin e tretë të 2021-s, sesa në atë të dytin të po të njëjtit vit.

Çmimet e importit për periudhën korrik, gusht e shtator u rritën për 6.3 % më shumë sesa në atë, qershor, maj e prill.

Ngritja më e madhe e çmimeve u vërejt tek metalet bazë, diku 33.5% e te ato minerale, 12.9, shkruan “Front Online”.

Rritje u shënua edhe te produktet e tjera, ama më e vogël në për qindje.

4.8 % të artikujt e grurit, qeramikës e qelqit, 4.4 te shtazët e gjalla dhe produktet e tyre, 3.9% tek druri dhe artikujt e tij.

Për 3.5 % hypi çmimi i plastikës, për 3.0 % ai i mjeteve të transportit, për 2.2% tekstili dhe artikujt e tij, për 1.6% artikujt ushqimorë të përgatitur e 1.5 pijet dhe duhani.

Sipas ekonomistit Safet Gërxhaliu, ngritjet e kësaj natyre të nxjerra nga Agjencia e Statistikave të Kosovës, i godasin bizneset.

E sipas tij, ato ndikojnë edhe në xhepin e qytetarëve, të cilët produktet i blejnë më shtrenjtë pastaj.

“Ngritja e tillë, për sektorin prodhues është goditje direkte. Falë kësaj ka rënë edhe fuqia blerëse e bizneseve. Efektet e kësaj krize pastaj janë shumë dimensionale në aspektin negativ”, deklaroi Gërxhaliu për “Front Online”.

Ky thotë se Qeveria duhet të bëjë më tepër, duke u dalë në ndihmë këtyre dy kategorive.

“Qeveria duhet me ju ndihmu. Duhet t`i lë anash agjendat politike, të merret me ekonominë”, theksoi Gërxhaliu për “Front Online”.

Shtrenjtimi i importit bëhet edhe më i theksueshëm kur krahasohet tremujori i tretë i këtij viti me atë të vitit të kaluar.

Evidentohet një rritje prej 14.7%.

Qytetarët disa herë gjatë këtij viti janë ankuar për rritje çmimesh në treg./Front Online/

Prince Coffee House tani edhe në Vjenë të Austrisë

Të tjera