Bota/Rajoni

Rreth 600 ushtarë gjermanë nën hetime për lidhje me të djathtën ekstreme

Rreth 600 ushtarë gjermanë nën hetime për lidhje me të djathtën ekstreme
17:14 | 03 Korrik 2020

Afro 600 ushtarë gjermanë janë duke u hetuar rreth lidhjeve me ekstremistë, ka thënë Christof Gramm, kreu i shërbimit sekret të ushtrisë, teksa është bërë e ditur për shpërbërjen e një njësiti elitar të ushtrisë, shkaku i lidhjeve me neonazistët.

Ekspertët thonë se problemi është i thellë dhe duhen bërë përpjekje më të mëdha për të zgjidhur problemet e racizmit dhe aktivitetit të së djathtës ekstreme brenda Ushtrisë Gjermane.

Ministrja gjermane e Mbrojtjes, Annegret Kramp-Karrenbauer këtë javë u përpoq t’i jepte fund skandaleve rreth lidhjes së Komandove të Forcave Speciale elite të Gjermanisë, të njohura si KSK, me të djathtën ekstreme, duke e shpërberë njërën nga njësitë e saja dhe duke lajmëruar ristrukturim, shkruan “The Independent”. Ndërkohë, askush nuk e di se çka ka ndodhur me afro 61 kg eksplozivë dhe 48,000 karikatorë municioni të cilat po mungojnë nga depot ushtarake, transmeton KOHA.

KSK-ja ishte formuar në vitin 1996 me përqendrim në kundër-terrorizëm, komandot e së cilës kishin shërbyer në Ballkan dhe Afganistan. Operacionet e saja janë sekrete, por misionet ndërkombëtare janë pezulluar deri sa te zgjasë ristrukturimi.

EKSKULZIVE: Art Motion dhe Klan Kosova fitojnë të drejtën televizive të Superligës, Ligës së parë si dhe Kupës së Kosovës 

Të tjera