×
  • Lajme
  • Lajme

    Rrëfimi i deputetes Eliza Hoxha: Pas 10 ditësh në spital e mposhta koronavirusin

    FrontOnline
    27 Korrik 2020

    Deputetja e Kuvendit të Kosovës Eliza Hoxha është shëruar nga koronavirusi. Nëpërmjet një rrëfimi në llogarinë e saj në Facebook, ajo ka treguar përvojën e saj me infeksionin. Ajo thotë se ka kaluar 10 ditë në spital, derisa tani do të vazhdojë të kurohet në shtëpi.

    Ajo u ka bërë thirrje të gjithë qytetarëve që të mbajnë maskën, distancën dhe higjenën personale.

    “Pas 20 ditësh – 10 në shpi e 10 në spital nga sot zyrtarisht jam Covid Free, por ende me terapi shpie ne vazhdim”, shkroi Hoxha në Facebook.

    “Virusi duket se ka një paketë simptomash identifikuese, por pasojat e virusit nuk janë të njejta për asnjë person. #lajiduart #QiteMaskën #mbajedistancën Për vete, për tjetrin. Për jetën!’, shkroi ajo.

    Shkrimi i plotë i Hoxhës në Facebook:

    Nata e bënte të veten. Dukej se pas terapisë së mbrëmjes të gjithë rehatoheshin për gjumë. Por teknikët e oksigjenit nuk ndalonin asnjëherë duke sjellë boca të reja…Zhurmë, krisma, tërheqje zvarrë e të tyre sepse gjithcka bëhej manualisht…por kishte edhe një rrëmujë tjetër në terracën e dhomave mbrëmë. Dola jashtë…Ora 01:00 e natës. Në dhomën nr. 9 vdiq edhe një burrë. Shqetësim, pasiguri, paqartësi… I shprehë ngushëllimet e mia djemëve të tij dhe kthehem në dhomë.

    Tani kishte edhe një grua në dhomën time e cila mezi ngopej me frymë. Ishte 24 orë me oksigjen shtesë. Dikur fjeta.

    Si në ëndërr më dukej se dikush thërriste emrin tim…sa e sa herë me rradhë… Në fakt u zgjova dhe guaja pranë shtratit tim gjëmonte e rënkonte duke thirrur me rënkim emrin tim e duke përsëritur ” më është ndal oksigjeni” . Ora 03:20 e mëngjesit.

    Kërceva nga shtrati e trishtuar…Motër …motër…nuk ka më oksigjen…U shqetësua edhe ajo…i thirri teknikët, erdhën dhe e ndërruan bocën…

    Ajo u rehabilitua dhe fjeti përsëri…por unë më nuk fjeta…cka nëse nuk e kisha dëgju…cka nëse nuk kishte pas bocë tjetër me oksigjen atë natë…cka, nëse?!…

    Më zuri mëngjesi me sy hapun.

    Natë në dhomën nr.6 – infektive – reparti B

    Pas 20 ditesh – 10 në shpi e 10 në spital nga sot zyrtarisht jam Covid Free, por ende me terapi shpie ne vazhdim.

    Dua me këtë rast veç nja dy tre fjalë, ndoshta i shërbejnë dikujt…

    1. Virusi duket se ka një paketë simptomash identifikuese, por pasojat e virusit nuk janë të njejta për asnjë person.

    2. Stafi i mjekëve e infermierëve nuk kanë ndalu as edhe një herë. Por janë të pamjaftueshëm në numër për të arritur tek të gjithë. Qeveria ka patur mundësi ta decentralizojë shërbimin më heret, të testojnë më shumë persona, të rrisin nr e personelit.

    3. Infrastruktura shëndetsore nuk është krejt e paqëndrueshme, sa është menaxhimi i dobët dhe mirëmbajtja e tyre…këtu i përfshijë edhe vet pacientët që shpesh nuk janë të vëmendshëm për të mirën publike.

    4. Ka një gjë që këto ditë i ka zbutur duke i bërë të duken surreale ndonjëherë…Drunjët dhe hapësira e gjelbër përreth spitalit bashkë me zogjët që na zgjonin në mëngjes janë peizazhi që më ka motivuar të zgjohem e të duroj për ditë të mira. Efekti natyrë që ne po e mbysim cdo ditë në këtë qytet.

    5. Covidi më ka njohur edhe me njerëz të tjerë që luftonin për jetë dhe na ka lidhë shoqëri përjetë. Fatoni dhe Gonxhja janë një pasuri e re në jetën time.

    6. Mediat mendojë që duhet informatat ti përshkallëzojnë…jo vetëm në shifra sa të infektuar e sa të vdekur, por edhe se cfarë raste janë, sa me simptoma të rënda e sa pa simptoma…sa ne spital e sa në shpi …sepse jep një pamje më të qartë…rastet pa simptoma mund të jenë bartës pa dashje e më besoni se ka shumë…

    I falenderoj mjeket dhe infermierët e infektives për përkushtimin dhe energjinë e mirë! Ju falenderoj të gjithë juve miqë e dashamirë që u kujdesët, më këshilluat e më inkurajuat për të vazhduar!

    Falenderim special për Arditën dhe Ardianin udhërrëfyesit e mijë gjatë kohës sa isha në vetizolim!

    U jam shumë mirënjohëse!

    Ka qenë eksperiencë shumë e çuditshme dhe sfiduese edhe përtej dimesionit shëndetsor!

    Në fund fare ka një gjë të thjeshtë.

    #lajiduart

    #QiteMaskën

    #mbajedistancën

    Për vete, për tjetrin. Për jetën!

    ?❤️

    Nga Rubrika
    Lajme12 Shkurt 2025
    Sekretari i përgjithshëm i NATO-s, Mark Rutte, ka thënë se pret që pas zgjedhjeve në Kosovë, të ketë një Qeveri stabile dhe...
    Lajme12 Shkurt 2025
    Udhëheqësi i Demokracisë në Veprim, Ismet Kryeziu ka komentuar deklaratën e ish-kryeministrit Kurti i cili tha se “do të kujdesemi për ruajtjen...
    Lajme12 Shkurt 2025
    Ambasada e Kosovës në Londër organizoi një mbrëmje  për të festuar 17-vjetorin e Pavarësisë së Kosovës. Në njoftimin e lëshuar në Facebook...
    Të tjera
    Lajme12 Shkurt 2025
    Komisioni Qendror i Zgjedhjeve i ka përditësuar të dhënat e rezultateve nga numërimi i deritashëm i votave. Lëvizja Vetëvendosje ka marrë 340,690...
    Lajme12 Shkurt 2025
    Nenad Rashiq, kryetari i partisë “Për liri, drejtësi dhe mbijetesë”, ka folur në lidhje me zgjedhjet e 9 shkurtit, duke ngritur dyshime...
    Lajme12 Shkurt 2025
    Dogana e Kosovës ka pranuar një njoftim zyrtar nga Bashkimi Evropian në lidhje me rregullat e reja të transportit të mallrave për...
    Vip12 Shkurt 2025
    Këngëtarja e njohur shqiptare, Zaimina Vasjari edhe pse joaktive në muzikë, ajo është shumë afër ndjekësve të saj në rrjetet sociale. Sidomos...
    Vip12 Shkurt 2025
    Këngëtarja e njohur shqiptare, Rona Nishliu herë pas herë ndan postime me ndjekësit e saj në rrjetet sociale. Edhe së fundmi në...
    Vip12 Shkurt 2025
    Opinionistja e Big Brother VIP Kosova 3, Olta Gixhari, është shndërruar për pak kohë në “molere”. Ajo është paraqitur në Instagram duke...

    FrontOnline, © 2025 Të gjitha të drejtat e rezervuara.