×
  • Lajme
  • Lajme

    Rrëfehet qytetari që u rrah nga 4 policë, tregon çka çoi te rrahja

    FrontOnline
    13 Shtator 2020

    Ngjarje e rëndë dhe e pahijshme ka ndodhur mbrëmë në sheshin “Nëna Terezë” në Prishtinë, ku në videon shihet një person me inicialet B.S, shihet duke u arrestuar dhunshëm nga Policia e Kosovës për shkak të mosmbajtje të maskës. Dhe B. S (emër i njohur për redaksinë) ka rrëfyer anën e tij për ngjarjen që mund ta shohim në video.

    Në një rrëfim për Periskopin ka treguar se sjellja e zyrtarëve policorë ndaj tij nuk ka qenë në nivel të duhur, dhe se, sipas tij, policët kishin sjellje arrogante prej ndalimit.

    Ai ka rrëfyer në detaje tërë ngjarjen.

    “Jam dalë dje në shesh me gru e me fëmijë edhe te lojërat, janë shku fëmija në kerret që janë me lu edhe një polici e pa maskën ngjystë të vendost’ edhe tha vendose maskën krejt edhe po e vendosi edhe i thash më fal po jom tu u marrë me fëmijë. Kur e përfunduam po kthehemi edhe të njetit policë, po me thonë… dokumentin për më të identifiku (e thotë me ton të lartë) thashë o vëlla gjithë kjo bërtimë, unë s’jom tu bo kurgjo se po më tuten fëmija, fëmijët ja nisen me kajtë, ja jepa dokumentit, edhe thanë që duhet me të identifiku në polici, ju thash s’ka problem, u bonen 7 minuta, edhe ju thash “o vëlla juve ju lajmërunë policia se nuk kam fletarrest ose diçka në polici, ja lëshmoni, ja shkruje gjobën” ata (policia) më thanë “na e dijna, largohu, largohu, mbaje distancën”, nejse u bonen 10 minuta as nuk ma shkrujshin tiketën as nuk më lirojshin”, ka rrëfyer ai.

    B.S tregon se gjatë asaj kohe ka kontaktuar me policinë sepse sipas tij policët që e kishin ndaluar nuk po i tregonin se çfarë të bënte dhe se ndaj tij ishin treguar arrogantë.

    “Po e thirri policinë 192, i thash jam B.S, jam kalimtar, jam me gru me fëmijë, qeshtu qeshtu, më thanë vendose mirë maskën, e vendosa, u sillën në mënyrë arrogante, ama letërnjoftimi, ja dhash, largohu mbaje distancën më thanë me zë të lartë, i thash “a ka mundësi me ditë, çka është gjithë ky zë i lartë, gjith ky ton, a keni mundësi një patroll se me këta policë nuk po mundëm të kuptohem, as nuk po më lirojnë as nuk po dënojnë, a keni mundësi me ma ba çahre, më thanë merre numrin e Inspektoriatit Policior, unë i thirra ata (Inspektoriatin Policor) dhe më thanë që vjen të hënë e jep një deklaratë. Unë ju thash a keni mundësi me ardhë se këta janë tu mi nxjerr fjaltë, jam më gru e me fëmijë janë tu mu tutë. Ata më thanë merri numrat e policëve që t’i identifikojmë. Tu ja marr qatij policit numrat, më tha çka po afrohesh, largohu, edhe i çova durtë edhe thash çka është gjithë kjo injorancë, edhe nuk kom ditë kurgjo, vec kur ma kanë hi boks mas kokës, njani e tjetri, më arrestuan, nuk e dijsha çka u bo, fëmija kajshin, gruja qashtu. Më kanë futë në kerr tu m’goditë me kokë edhe njoni tu m’goditë mu e ka vra koken e vetë”, është shprehur B.S

    Ai po ashtu ka thënë se sjellja e policëve nuk ka qenë korrekte as në stacion policior, bile atij nuk i është dhënë as ujë për të pirë dhe se është kërcënuar nga një prej tyre.

    “Po m’çojnë në stacion tu m’goditë herë njëri herë tjetri, si zbresim në stacion ja nisin tu m’goditë brinjëve, shqelma e boksa prej prapa, kur kemi hy në stacion kom kërku ndihmë me shpresë që është naj rreshter a komandant. Më kanë shti në një dhomë që është terr edhe nja dy boksa mi kanë dhënë, polici më tha “veç kurrë mos të takojë në rrugë se ki me pa kush jam unë, se e vrava kryet sherri yt”, ka rrëfyer ai.

    B.S në bisedë për Periskopin po ashtu ka thënë se policët kanë ndryshuar qëndrimin e tyre, kur në stacion policior është paraqitur Inspektoriat i PK-së.

    “Inspektorati më thirrke në telefon por nuk mundesha t’ia hapi, por dikur vendosa sepse më i rrahur se sa isha nuk bohesha. Rreshteri ia mbante zhagun policëve, kur erdh Inspektorati, ata menjëherë i ndërruan fjalët policia e rreshteri, as nuk m’kanë pru ujë as nuk e kanë thirr doktorin, krejt vonë, kur kanë dëgju që po vijnë Inspektorati atëherë i kanë sjellë, ujin e doktorin, as nuk më çojshin te spitali.”, ka thënë ai.

    Ndryshe, B.S pas mbajtjes për 48 është liruar, ku këtë për Periskopin e ka konfirmuar avokati i tij, Fanol Krasniqi.

    “Po tani e ka marrë fletlëshimin. Ai ka qenë i ndaluar për 48 orë. Klienti im akuzohet për kanosje të zyrtarëve policor dhe mosbindje ndaj urdhrave. Tani jemi duke pritur hetimet nga Inspektorati i Policisë”, ka thënë ai.

    Gjithashtu, rastin e ka konfrimuar edhe Policia e Kosovës, ku zëdhënësi Daut Hoxha e konfirmoi atë që mbrëmë Periskopi raportoi se i dyshuari është ndaluar për shkak të mos mbajtjes së maskës.

    Tutje, Hoxha thotë se pasi policia ia ka tërhequr vërejtjen të dyshuarit me inicialet B.S, i njëjti ka pas sjellje arrogantë ndaj uniformës blu, madje ka ofenduar dhe kërcënuar zyrtarët policor.

    “Rreth orës 21:30 njësia policore gjatë realizimit të detyrave dhe kompetencave ligjore, konkretisht gjatë patrullimit në sheshin “Nënë Tereza” ka hasur në personin e dyshuar me inicialet (B. S; 1988) i cili ka qenë pa maskë. Të njëjtit ju është tërhequr vërejtja disa herë, por nuk ka përfill urdhrat e zyrtareve policor, kur atij iu është kërkuar dokumenti i identifikimit nga zyrtaret dhe ka kuptuar se po i shënohet fletëparaqitje sipas ligjit për parandalimin dhe luftimin e pandemisë, ai ka filluar të përdorë shprehje ofenduese dhe kërcënuese, duke shfaqur po ashtu sjellje arrogante kundrejt zyrtarëve policor, dhe në një moment ai ka ngritur dorën në drejtim të zyrtarëve policor ku të njëjtit janë detyruar të përdorin forcën e domosdoshme, proporcionale duarthatë për ta venë nën kontroll të dyshuarin”, thotë Hoxha.

    Zëdhënësi i Policisë, thekson se një zyrtar policor ka marrë lëndime nga rezistenca dhe sjelljet e pakontrolluara të të dyshuarit.

    “Gjatë arrestimit një zyrtar policor ka marrë lëndime nga sjelljet e pakontrolluara dhe rezistente nga i dyshuari. I dyshuari është shoqëruar në stacionin policor Qendra, për procedura të mëtejme lidhur me rastin e pengimin të personit zyrtar ne kryerjen e detyrës zyrtare. Lidhur me rastin po ashtu janë njoftuar Hetimet Rajonale të Policisë së Kosovës, Inspektorati Policor i Kosovës dhe Prokurori i Shtetit për procedura të mëtejme. I dyshuari dërgohet në mbajtje për 48 orë”, përfundon Daut Hoxha.

    Edhe Inspektoriati Policor ka nisur hetimet për këtë arrestim.

    Për shkak të punimeve në rrjet në këto zona do ketë ndërprerje të rrymës
    Nga Rubrika
    Lajme29 Mars 2024
    Shefi i deputetëve të Aleancës për Ardhmërinë e Kosovës, Besnik Tahiri, ka thënë se “ka një tendencë të shumicës për bllokim të...
    Lajme29 Mars 2024
    Aleanca për Ardhëmrinë e Kosovës, gjegjësisht Besnik Tahiri ka thënë pas mbledhjes së Kryesisë së Kuvendit se Kurti tashmë është dorëzuar dhe...
    Lajme29 Mars 2024
    Shefi i deputetëve të Partisë Demokratike të Kosovës, Abelard Tahiri, ka thënë se kanë propozuar themelimin e një Komisioni Hetimor për financimin...
    Të tjera
    Lajme29 Mars 2024
    As Qeveria, as kryeministri, as presidenti, e as kryetari i Parlamentit të Malit të Zi nuk kanë reaguar lidhur me votën e...
    Lajme29 Mars 2024
    Ministria e Ekonomisë ka përmbyllur me sukses procesin ofertues për Ankandin Solar Fotovoltaik (FV) prej 100 MW, me ç’rast kanë ofertuar pesë...
    Lajme29 Mars 2024
    Një incident ka ndodhur dje në strehimoren për rastet e dhunës në Gjakovë, ku një e mitur ka sulmuar fizikisht një të...
    Lajme29 Mars 2024
    Ministri i Punëve të Brendshme, Xhelal Sveçla, me ftesë të homologut i tij, Taulant Balla, mori pjesë në një vizitë zyrtare në...
    Lajme29 Mars 2024
    Zëvendëskryeministri i Kosovës Besnik Bislimi, nuk është deklaruar për media në lidhje me propozimet që ka bërë Qeveria për dinarin gjatë kësaj...
    Lajme29 Mars 2024
    Ministrja e Punëve të Jashtme dhe Diasporës, Donika Gërvalla është duke qëndruar për vizitë në Kalabri të Italisë. Siç thuhet në njoftim,...

    FrontOnline, © 2024 Të gjitha të drejtat e rezervuara.