×
  • Bota/Rajoni
  • Bota/Rajoni

    Rohani: Irani është i gatshëm të marrë masa pasi të hiqen sanksionet e SHBA-së

    FrontOnline
    07 Mars 2021

    Irani ka thënë se është i përgatitur për të marrë masa drejt zbatimit të marrëveshjes bërthamore të vitit 2015, në momentin që Shtetet e Bashkuara heqin sanksionet ndaj këtij shteti.

    “Irani është i gatshëm të marrë masa kompensuese, bazuar në marrëveshjen bërthamore dhe të përmbushë obligimet, pasi të hiqen sanksionet e paligjshme amerikane dhe pasi të braktiset politika e kërcënimeve dhe presionit”, ka thënë presidenti iranian Hassan Rohani më 7 mars.

    Rohani i ka bërë këto komente teksa ka pranuar ministrin e Jashtëm irlandez, Simon Coveney, i cili po bën përpjekje për të ruajtur marrëveshjen bërthamore.

    Irlanda nuk është pjesë e marrëveshjes, mirëpo Dublini ka rol si ndërmjetësues për zbatim të marrëveshjes.

    Rohani ka kritikuar vendet evropiane, nënshkruese të marrëveshjes – Britaninë, Francën dhe Gjermaninë – për siç ka thënë ai, mungesën e përkushtimit për marrëveshjen.

    Ai ka thënë se Irani “është pala e vetme që ka paguar çmimin e marrëveshjes”.

    Presidenti amerikan Joe Biden ka dhënë shenja se ka gatishmëri për të zbatuar marrëveshjen, mirëpo insiston që Irani fillimisht t’iu kthehet përkushtimeve bërthamore.

    Ish-presidenti amerikan Donald Trump është tërhequr njëanshëm nga marrëveshja më 2018, e cila parasheh kufizimin e programit bërthamor të Iranit, në këmbim të heqjes së sanksioneve.

    Administrata Trump pati thënë se marrëveshja nuk përfshin programin e raketave balistike të Iranit, dhe mbështetjen për grupet rajonale, të cilat Uashingtoni i konsideron terroriste.

    Pas tërheqjes nga marrëveshja më 2018, Shtetet e Bashkuara kanë rikthyer sanksionet ndaj Iranit.

    Si përgjigjje, Irani ka braktisur gradualisht disa pika të marrëveshjes, shkruan REL.

    Atdhe Xharavina eliminohet nga Big Brother VIP Kosova
    Nga Rubrika
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Bota/Rajoni28 Mars 2024
    Aleanca për Shqiptarët e Ziadin Selës i bashkohet Frontit Evropian. Ky vendim erdhi pas mbledhjes së Kuvendit Qendror të kësaj partie. Pas...
    Bota/Rajoni28 Mars 2024
    Ajo që tronditi shumë një ekip ndërkombëtar mjekësh që vizitoi një spital në pjesën qendrore të Gazës, ishte numri i madh i...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.