Kryetarja e deleguar e Bashkisë së Tiranës, Anuela Ristani, ka shkarkuar nënkryetaren Sara Goxhaj dhe sekretarin e Përgjithshëm Alban Dokushi pasi rimori delegimin e detyrës nga Erion Veliaj.
Ristani ka komanduar Jonida Halili si sekretare të përgjithshme. Vendimi vjen pas një keqkuptimi që lidhej me delegimin e detyrave, ku kryebashkiaku Erion Veliaj i kishte hequr kompetencat Ristanit për t’ia deleguar Goxhajt.
Veliaj ka sqaruar se sipas tij gjithçka ishte një keqkuptim për shkak të mungesës së informacionit si pasojë e izolimit në qeli. Ndërkaq edhe Ristani gjatë deklaratës për media sot ka mohuar të ketë përplasje mes Ramës e Veliajt, duke e quajtur gjithçka një problem të komunikimit të brendshëm.
