×
  • Lajme
  • Lajme

    Rezultati i LDK-së në zgjedhje, Isa Mustafa flet për Front Online

    FrontOnline
    15 Nëntor 2021

    Lidhja Demokratike e Kosovës (LDK), në zgjedhjet lokale ka arritur rezultat më të mirë sesa në ato nacionale, duke u radhitur partia e dytë me më së shumti komuna të fituara.

    Në këtë zgjedhje, LDK-ja ka arritur që ta rikthejë komunën e Prishtinës të cilën e kishte humbur para tetë viteve, por e ka humbur atë të Gjilanit.

    Një diferencë e ngushtë e bëri LDK-në që të humbë edhe në Podujevë.

    Për rezultatin e kësaj partie, për Front Online ka folur ish-kryetari i LDK-së, Isa Mustafa.

    Ai tha se fitorja e LDK-së në rundin e parë dhe të dytë i jep frymë zhvillimit të përgjithshëm lokal në Kosovë, duke shtuar se LDK-ja e ka fituar Komunën e Prishtinës me meritë.

    “Fitorja e LDK-së në raundin e parë dhe të dytë i jep frymë zhvillimit të përgjithshëm lokal në Kosovë. LDK-ja me meritë e ka fituar Prishtinën, që është fitore shumë e madhe. Në Prishtinë është vërejtur një mobilizim i mirë i strukturave të LDK-së, ka qenë një artikulim i qartë dhe i kuptueshëm i z. Rama, që fitoi zgjedhjet me një përkrahje të merituar nga qytetarët”, tha ai për Front Online.

    Ish-kryetari i LDK-së, Isa Mustafa foli edhe për humbjen e nënkryetarit të LDK-së në Gjilan, Lutfi Hazirit.

    Ai tha se LDK-ja këtë komunë e ka humbur me një diferencë të vogël të votave, por siç tha ai Haziri ka bërë një punë të mirë në Gjilan.

    “Në Gjilan është punuar shumë nga z. Haziri. Thuajse çdo gjë që është bërë atje pas luftës bartë vulën e Lutfi Hazirit. Edhe rezultati i fundit zgjedhor flet për një përkrahje dhe respekt që gëzon ai edhe përkundër asaj që kësaj radhe nuk fitoi për një diferencë të vogël”, tha Mustafa për Front Online.

    Ai tha se fitorja e LDK-së në Podujevë ishte e vështirë pasi që kishte përballë gjithë Qeverinë, por pavarësisht kësaj, Mustafa tha se LDK-ja është rikthyer fuqishëm në këtë komunë.

    “Podujeva nuk u fitua, edhe pse pritej me plotë arsye fitorja, por LDK u rikthye fuqishëm aty. U bë e vështirë të fitojë një kandidat i LDK-së në përballje me krejt arsenalin e Qeverisë së Kosovës. Meritojnë të përgëzohen të gjithë kandidatët që fituan, por edhe ata që luftuan për fitore”, u shpreh ai.

    Në zgjedhjet lokale LDK-ja, ka fituar Prishtinën, Pejën, Lipjanin, Istogun, Fushë- Kosovën, Vitinë dhe Junikun.

    Petrol Company thyen rekordet me: çmimet, kualitetin dhe aktivitetet
    Nga Rubrika
    Lajme20 Korrik 2024
    A po i pastroni fëmijët tuaj më shpesh sesa duhet? Udhëzimet për t’i mbajtur fëmijët tuaj të pastër ndryshojnë shumë pasi rriten...
    Lajme20 Korrik 2024
    Sllavica Radovanoviq, kolonele në pension e Policisë së Serbisë, ka kritikuar publikisht ministrin e Punëve të Brendshme të Serbisë, Ivica Daçiq, për...
    Lajme20 Korrik 2024
    Policia e Kosovës ka bërë të ditur se sot ka intervistuar një person, i cili dyshohet se e ka ndihmuar Faton Hajrizin...
    Të tjera
    Lajme20 Korrik 2024
    Ministrja e Punëve të Jashtme, Donika Gërvalla, ka thënë se trupi i Faton Hajrizit, të vrarë nga policia serbe duhet të kthehet...
    Lajme20 Korrik 2024
    Agim Musliu nga instituti “Octopus” ka shkruar për atë që ka ndodhur në Serbi përgjatë këtyre tre ditëve, ku një polic serb...
    Lajme20 Korrik 2024
    Kryeministri i vendit, Albin Kurti, ka vizituar Festivalin Anibar që po mbahet në komunën e Pejës. Kurti qëndroi në Galerinë e Arteve...
    Lajme20 Korrik 2024
    Faton Hajrizi intervistën e fundit televizive e kishte dhënë para 10 muajve. Në të ai kishte rrëfyer se si ishte burgosur, e...
    Lajme20 Korrik 2024
    Presidentja e vendit, Vjosa Osmani, është takuar me kryeministrin e Islandës, Bjarni Benediktsson, ku tha se ishte pikërisht Islanda, vendi që i...
    Lajme20 Korrik 2024
    Disa nga të burgosurit shqiptarë në Greqi, kanë njoftuar se kanë filluar një grevë urie. Ata thonë se këtë po e bëjnë...

    FrontOnline, © 2024 Të gjitha të drejtat e rezervuara.