Deputetja e AAK-së Albena Reshitja gjatë një vizite të zhvilluar në Ministrinë e Mbrojtjes ku është pritur nga ministri Anton Çuni, ka thënë se duhet të krijohet një rrjet lobues i përbërë nga ekspert të fushave profesionale e politike për të ndihmuar e përshpejtuar anëtarësimin e Kosovës në Organizatën e Traktatit të Atlantikut të Veriut NATO.
Ajo ka shtuar se Kosova duhet të shfrytëzoj të gjitha kapacitetet brenda dhe jashtë saj që sa më parë të bëhet anëtare e plotë e NATO-s.
Postimi i plotë i saj:
Pata kenaqësinë të vizitoj në Ministrinë e Mbrojtjes Ministrin z.Anton Çuni, me tē cilin biseduam per ushtrinë tonë , punën që po bëhet në këtë ministri si dhe ngjarjet e fundit në vend.
Me Ministrin ndër të tjera diskutova për rëndësinë që ka krijimi i një Rjeti Lobues i përbërë nga ekspert të fushave profesionale e politike për të ndihmuar e përshpejtuar antarësimin e Kosovës në Organizatën e Traktatit të Atlantikut të Veriut NATO.
Ne duhet të shfrytëzojmë të gjithë kapacitetet brenda dhe jashtë që sa më parë edhe vendi ynë të bëhet anëtare e plotë e NATO-së.