Mosimpementimi i ligjit për pandeminë, bënë që edhe më tej institucioneve shëndetësore të vendit të ju  pamundësohet implementimi i masave tjera emergjente, për të cilat kryetarja e Komisionit për Shëndetësi dhe Mirëqenie Sociale, Albena Reshitaj thotë se janë më se të nevojshme për situatën aktuale që ndodhet vendi.

Reshitaj për Front Online thotë se përmes këtij ligji, Kosova do të mund të impelmentojë masa tjera emergjente për parandalimin e përhapjës së pandemisë Covid-19.

“Ne si Komision presim që sa më shpejt Ligji për pandeminë të sjellët në Kuvend që të procedohet më tutje. Sepse me këtë ligj të përkohshëm ne do të kemi mundësi të implementojmë masa emergjente të cilat janë më se të nevojshme për këtë kohë”, tha Reshitaj.

Reshitaj: Shëndetësia e brishtë, rrezik të kthehen masat izoluese

Ajo theksoi se Komisioni që ajo drejton e ka përkrahur propozimin e një ligji të tillë.

Reshitaj madje tregon edhe për aktet nënligjore që mund të propozohen në ligjin për pandeminë.

“Ne mund të vendosim edhe akte nënligjore të cilat do t’i mundësojnë implementim shtatë masave nga Pakoja për Rimëkëmbje Ekonomike që tashmë është aporovuar nga Qeveria e Kosovës”, tha Reshitaj më tutje për Front Online.

Reshitaj: Kosova ka mungesë të stafit shëndetësorë, t’i ruajmë ata që i kemi