Renault ka njoftuar se së shpejti do të nxjerrë në treg Twingo-në e re elektrike me çmim deri në 20 mijë euro, pa subvencione, duke iu bashkuar një tjetër prodhuesi francez, Citroën, në garën për tregun e makinave elektrike, përcjell FrontOnline.

Automjeti i vogël i qytetit do të dalë në treg në Evropë në vitin 2026. Renault njoftoi risinë një muaj pasi Citroën shpalli automjetin e saj elektrik ë-C3 me një çmim prej 23,300 euro dhe premtoi një version për 19,990 euro në fillim të 2025.

15/11/2023 – révélation officielle de #Renault #Twingo #prototype #ETech 100% #électrique
après #R5, #R4, une 3e icône qui s’apprête à revivre pic.twitter.com/sJ4MkjfpKK

— Renault France (@renault_fr) November 16, 2023

Renault prezantoi gjithashtu prototipin e parë të Twingo-së së re. Me fenerët e rrumbullakët dhe pjesën e pasme të rrumbullakosur, ajo i ngjan linjave të modelit të lançuar në vitin 1993, i cili që atëherë ka shitur më shumë se 2.5 milionë njësi.

Twingo-ja e re elektrike duhet të përfundojë në më pak se tre vjet.

Nuk janë publikuar të dhëna për jetëgjatësinë e baterisë, por prodhuesi premton një konsum shumë të ulët prej 10 kWh/100 km, që është pothuajse gjysma e atij të shumicës së automjeteve elektrike.

Twingo elektrike duhet të lëshojë 75 për qind më pak emetime CO2 në ciklin e tij të jetës në krahasim me mesataren e automjeteve aktuale.

Twingo i ri do të prodhohet në Evropë, por jo në Francë, por në Novi Mesto slloven, ku montohen edhe modelet e sotme Twingo.

Ampere, dega e re e Renault, do të prezantojë shtatë modele deri në vitin 2031: Mégane elektrike, Scenic, R5 dhe R4, Twingo dhe dy modele shtesë./FrontOnline/