[wp-story]

Front TV

Rekordmeni në përvjetorin e Pavarësisë, e gravon në dru figurën e Adem Jasharit

Rekordmeni në përvjetorin e Pavarësisë, e gravon në dru figurën e Adem Jasharit
20:44 | 17 Shkurt 2021

Në vitet 1998 – 99 ishin në krye të luftës së UÇK-së.

E për flijimin që bënë dy dekada më herët, komandantët e ushtarët e rënë të këtij formacioni ushtarak, nderohen si të parët, edhe tash.

Kjo përmes mënyrave të ndryshme si në këtë vepër arti, të bërë nga Besart Gashi.

Figurën e komandantit legjendar Adem Jashari dhe atë të ushtarakut Osman Krasniqi, që ky i gravoi në dru, familja Ibriqi nga Drenasi i vuri në ballë të odës së saj.

“E tëra është punuar me daltë është mjaft unike. Këtu është emblema e Ushtrisë Çlirimtare të Kosovës, emblema më e shenjtë që ekziston. Këtu është baca Adem dhe dëshmori Osmani Krasniqi, emblema është e vendosur në mes këta janë duke e mbrojtur emblemën e UÇK-së, dy krahët e shqiponjës të cilët janë bë shqiponja për këtë vend. Liria ka emër të gjithë ata pjesëtarë që janë vra për lirinë e vendit tonë”, u shpreh Gashi për Front Online.

Kjo vepër, sipas Gashit, është më e madhja e këtij lloji që ka punuar deri tash.

Për rregullimin e saj, përmasat e të cilës janë, 2.75 me 1.78, thotë se i janë dashur dy javë kohë.

Përgjatë kësaj periudhe, kujdesi, është maksimal për një arsye të vetme.

“Të punosh për figura të ndritura të popullit shqiptar është përgjegjësi e madhe, të punosh për komandantin legjendar është shumë përgjegjësi e madhe. Nuk punohet shkel e shko, punohet me ndjenja, duhet me punu sa ma mirë, sa më origjinal”, tregoi ai në një rrëfim për Front Online.

Këso përpikmërie, talentit nga Drenasi, mbase do t`i duhet të tregojë shpejt përsëri.

Arkivi i tij, mund të pasurohet edhe me një tjetër punim artistik.

Janë arrestimet e gjykimet e krerëve të UÇK-së ato që e kanë nxitur Besartin të mendojë për një përvjelje mëngësh për të gravura në dru brenda një hapësire të vetme katërshen, Hashim Thaçi, Kadri Veseli, Rexhep Selimi e Jakup Krasniqi.

Gazetari: Pra mund t`i shohim të të katërtit me një vepër kaq të bukur? Po gjithsesi, pse jo”. 

 

Besarti muaj më parë me artin që tregoi në krijimin e imazhit të heroit kombëtar Agim Ramadani prej kapësve të metalit arriti të hyjë në librin e rekordeve Guiness.

Për nder të 13 vjetorit të Pavarësisë së Kosovës, ky ka një mesazh.

Duajeni vendin tuaj, vend që kanë sakrifikuar i madh i vogël për këtë ditë, vend që kjo liri është ardhë me shumë mund, me shumë gjak e me shumë sakrificë, e të cilën nuk po dimë me çmu sa duhet. Çka harrohet përsëritet”, deklaroi ai për Front Online.

Kush ështe kosovari THE VICTOR që synon tregun e jashtëm? (video)

Të tjera