Kandidati për deputet nga Partia Demokratike e Kosovës, Elmi Reçica, së bashku me kryetarin e OVL-UÇK Ferizaj, Afrim Mehmetin dhe me bashkëluftëtarë, vizituan familjen e Heroit të Kosovës, Ahmet Kaçikut, për të nderuar kujtimin dhe veprën e tij në 26-vjetorin e rënies në altarin e lirisë.
Reçica thotë jeta dhe vepra e Ahmet Kaçikut janë frymëzim i përjetshëm për gjithë ne dhe brezat e ardhshëm.
“Së bashku me kryetarin e OVL-UÇK Ferizaj, Afrim Mehmetin dhe me bashkëluftëtarë, vizituam familjen e Heroit të Kosovës, Ahmet Kaçikut, për të nderuar kujtimin dhe veprën e tij në 26-vjetorin e rënies në altarin e lirisë. Nëna Velime, një heroinë e vërtetë dhe simbol i sakrificës, na priti me ngrohtësi, duke na kujtuar qëndresën dhe krenarinë e një familjeje që dha gjithçka për lirinë e Kosovës. Jeta dhe vepra e Ahmet Kaçikut janë frymëzim i përjetshëm për gjithë ne dhe brezat e ardhshëm. Lavdi jetës dhe veprës së tij të pavdekshme!”, shkroi ai në Facebook. /FrontOnline/