Pas lajmit të mirë për gjetjen e voglushit Alp Krasniqi, ka reaguar edhe kryetari i Gjilanit, Alban Hyseni.
Hyseni ka falendëruar të gjithë qytetarët për angazhimin dhe bashkëpunimin e madh në gjetjen e Alpit.
Reagimi i tij:
Të dashur qytetarë,
Ju njoftojmë se Alpi është gjetur shëndosh e mirë!
Pas një angazhimi të jashtëzakonshëm dhe bashkëpunimi të madh nga qytetarët, institucionet dhe vullnetarët, Alpi tashmë është pranë familjes së tij.
Ju falënderojmë nga zemra secilin prej jush për ndihmën, mobilizimin, përkushtimin dhe solidaritetin që treguat në këto momente të vështira.
