Kryetari i Lidhjes Demokratike të Kosovës, Isa Mustafa ka reaguar pas pas fyerjeve që janë bërë në drejtim të Komisionit Qendror të Zgjedhjeve nga disa parti politike, pasi që disa kandidatë nuk janë certifikuar për zgjedhjet e 14 shkurtit.
Madje, zyrtari i VV-së, Glauk Konjufca ka thënë se Valdete Daka po vepron kundër Albin Kurtit.
Mustafa, përmes një postimi në profilin e tij në Facebook, ka shkruar se Të fajësohet Kryetarja e KQZ-së deri në kërcënim, se po e zbaton aktgjykimin e Gjykatës Kushtetuese është e padrejtë dhe e palejueshme.
Postimi i tij i plotë:
Të fajësohet Kryetarja e KQZ-së deri në kërcënim, se po e zbaton aktgjykimin e Gjykatës Kushtetuese është e padrejtë dhe e palejueshme.
Aktgjykimi i Gjykatës Kushtetuese për rastin Etem Arifi, në esencë është i quditshëm, sepse më shumë përngjan në shkrim të ri të normave kushtetuese, sesa në interpretim të normave ekzistuese, që do duhej të jetë fushëveprim i Gjykatës. Fundja vet aktgjykimi është derivat i lëndës së inicuar nga LVV.
As neve si LDK, s’na ka pëlqyar. Jo pse kufizon të drejtën e atyre që janë të dënuar për vepra penale të konkurrojnë për mandat ligjëvënësi, sepse nuk shkon edhe ligjëvënës edhe shkelës i ligjit, por për faktin se Gjykata e rrëzoi Parlamentin!? Pak si shumë në një demokraci Parlamentare.
Prandaj mos e atakoni zonjën Daka, sepse nuk keni të drejtë. IM/FrontOnline/