×
  • Lajme
  • Lajme

    Rapsodi Fatmir Makolli tregon si festohej 28 nëntori në vitet e 90-ta

    FrontOnline
    28 Nëntor 2022

    Ishin vitet 1990 kur në Kosovë, festimi i 28 nëntorit dhe përdorimi i flamurit shqiptar, bëhej në mënyrë të fshehur nga autoritetet serbe. Të paktë ishin ata njerëz, që kishin guxim të mblidheshin nëpër oda dhe t’u këndonin heronjve e ta festonin festën kombëtare. Njëri prej tyre ishte edhe rapsodi Fatmir Makolli – pavarësisht rreziqeve nuk e ndali asnjëherë telin e çiftelisë dhe këngën shqipe.

    Makolli për Telegrafin tha se sa herë që vjen 28 nëntori atij i ngjallë shumë nostalgji dhe emocione duke i kujtuar edhe kohën e ish- Jugosllavisë kur kishin festuar me frikë dhe nën rreziqe.

    “28 nëntori është një ditë që na ngjallë shumë emocione. Unë personalisht kam shumë nostalgji për 28 nëntorin e më hershëm sepse dihet se si e kemi festuar këtë festë në kohën e ish- Jugosllavisë. Në kohën e okupimit serb kemi festuar, mirëpo në kushte të okupimit dhe frikës, kudo që kemi shkuar kemi pasur frikë, e edhe me e kap në dorë çifelinë kishim frikë sepse kanë ndodhur shumë raste që ‘ua kanë jap çiftelinë për koke. Jemi frikësua sepse e kemi pasur në rrezik edhe familjen”, tregon me nostalgji Makolli.

    Mirëpo i zhgënjyer shprehet Makolli pasi që sipas tij as për 17 shkurt dhe as për 28 nëntor, institucionet nuk po organizojnë koncerte me folklor shqiptar.

    Ai tregon rastin kur kishte kërkuar të luajë me çifteli për festën e 17 shkurtit, por që nuk ishte lejuar.

    “Mirëpo tash pas luftës nuk po manifestohet 28 nëntori si më herët, më kujtohet një 17 shkurt i para shtatë ose tetë viteve kur u organizua, në sheshin ‘Zahir Pajaziti’, në kohën kur filloi transmetimi i drejtpërdrejtë në televizor, unë nuk isha në gjendje ta shikoj atë program sepse nuk mundem me u pajtua që në një organizim të tillë të mos këtë rapsodë. I thash familjes po shkoj, i mora veshjet kombëtare dhe të gjitha pajisjet teknike. Iu lajmërova organizatorit për 10 minuta vetëm më zvarrisnin mirëpo nuk ndodhi gjë. Dëshiroja të këndoja këngë patriotike aty pasi kishte shumë publik aty, mirëpo një gjë e tillë nuk ndodhi. Nuk mund të festohet 28 nëntori pa rrah teli i çiftelisë”, thotë ai.

    “Shqipëria”, çiftelia më e dashur e Makollit rreth 50 vite e vjetër, ai po ashtu ka një koleksion të gjerë të çiftelive që i ruan me pasion

    E dashuria për çiftelinë kishte ardhur krejt pa pritur në jetën e Fatmirit, edhe pse në moshë të re ai bashkudhëtarë në jetë e kishte çiftelinë duke mos ‘ia lëshuar’ dorën asnjëherë.

    “Isha në moshën 14 vjeçare kur djali i axhës tim e kishte marrë një çifteli. Me të kam filluar për herën e parë. Kurse më kujtohet një moment në fshatin Uçë të komunës së Istogut, në një dasmë. Fillova unë të luaj me çifteli në një valle, filluan duartrokitjet dhe bakshishet, pati shumë atmosferë dhe fillova që të luaj me çiftelinë në qafë, nga ajo ditë kam filluar ta praktikoj këtë stil për kënaqësinë e dasmorëve dhe timen po ashtu ”, shprehet Makolli.

    Rapsodi Makolli duke improvizuar një pjesë të luajtjes me gajde të cilën thotë se e ka dhuratë nga tashmë i ndjeri instrumentisti Shaqir Hoti

    Si një njeri që është i pasionuar pas çiftelive, Makolli për Telegrafin tregoi edhe çiftelinë e tij të preferuar dhe arsyen interesante të saj.

    “Çiftelia më e dashur për mua është kjo me mbishkrimin ‘Shqipëria’. Kjo çifteli daton që nga viti 1971, është çiftelia ime e preferuar. E para që është që vjen nga Shqipëria që në atë kohë që e kam marrë ishte gjithçka për mua, si merakli i çiftelisë”, përfundoi rapsodi Makolli.

    Ndryshe, Fatmir Makolli është maestro i çiftelisë me një karrierë gati 45 vjeçare.

    Ai ka marrë pjesë në shumë festivale, ku fitoi shumë çmime, siç ishte në Novi Sad 1982.

    Shqipëria mbushet me turistë kosovarë falë Sharr Travel
    Nga Rubrika
    Lajme19 Mars 2024
    Kryetarja e Gjykatës Kushtetuse, Gresa Caka Nimani, tha se barazia në Kosovë do të festohet pas një shekulli. Ajo kështu u shpreh...
    Lajme19 Mars 2024
    Policia e Kosovës ka mbajtur disa ligjerata në disa shkolla të Prizrenit, njofton Front Online. Drejtoria Rajonale e Policisë ne Prizren, njësitet...
    Lajme19 Mars 2024
    Ministri i Bujqësisë, Faton Peci, përmes një postimi në Facebook, ka thënë se për tre vjet qeverisje ka arritur ta ndryshojë rrjedhën...
    Të tjera
    Vip19 Mars 2024
    Ilnisa Agolli ka marrë vëmendje së fundmi me një deklaratë të bërë kundrejt Romeo Veshajt. Gazetarja e njohur ka qenë në një...
    Lajme19 Mars 2024
    Politikani serb, Nikola Sanduloviq ka reaguar ndaj deklaratave kërcënuese të presidentit serb, Aleksandar Vuçiq. Ai në një reagim në “X” ka shkruar...
    Lajme19 Mars 2024
    Qendra Kosovare për Studime të Sigurisë (QKSS), sot ka publikuar një raport me titull “Çka është “Projekti 5000” i Serbisë dhe pse...
    Lajme19 Mars 2024
    Policia e Kosovës ka njoftuar se një kosovar është ndaluar në Leposaviq. I njëjti dyshohet se kishte kaluar kufirin ilegalisht nga Serbia...
    Lajme19 Mars 2024
    Në Dhomat e Specializuara të Kosovës (DhSK) është marrë vendim për vazhdimin e masës së paraburgimit për Pjetër Shalën. Vendimi është marrë...
    Lajme19 Mars 2024
    Ndërmjetësuesi evropian Mirosllav Lajçak priti sot në takim kryenegociatorin e Kosovës, Besnik Bislimi, në kuadër të dialogut për normalizim të marrëdhënieve. Përfaqësues...

    FrontOnline, © 2024 Të gjitha të drejtat e rezervuara.