Ekonomi

Raporti i BQK-së: Lufta në Ukrainë dhe pandemia kanë rritur rreziqet e funksionimit të sektorit financiar

Raporti i BQK-së: Lufta në Ukrainë dhe pandemia kanë rritur rreziqet e funksionimit të sektorit financiar
17:49 | 02 Gusht 2022

Banka Qendrore e Kosovës ka publikuar Raportin e 18 të Stabilitetit Financiar për periudhën janar-dhjetor 2021.

Sipas BQK-së, sistemi financiar ka përballuar suksesshëm sfidën e shkaktuar nga kriza pandemike ku në vitin 2021 sistemi financiar në Kosovë ka shënuar rikuperim të hovshëm.

“Sidoqoftë, rritja e çmimeve të energjisë dhe mallrave, e nxitur nga rrethanat e krijuara nga pandemia, si dhe shpërthimi i luftës në Ukrainë në vitin 2022 kanë krijuar pasiguri të mëdha për të ardhmen duke rritur ndjeshëm rreziqet e funksionit për ekonominë dhe sektorin financiar për periudhën vijuese”, thuhet në njoftimin e BQK-së.

Tutje, në njoftim thuhet se ekspozimi i drejtpërdrejtë i sistemit financiar të Kosovës ndaj Ukrainës dhe Rusisë është tejet i kufizuar, por, sipas BQK-së, rreziqet pritet të barten në mënyrë indirekte përmes efektit në inflacion, efektit në rritjen e kostos së financimit, si dhe përmes efektit në aktivitetin e përgjithshëm ekonomik.

“Përderisa ecuria e këtyre zhvillimeve është duke u shoqëruar me pasiguri të larta, sektori bankar në Kosovë ka adaptuar qasje prudente të operimit përkitazi me rrethanat si dhe ka krijuar rezerva të kënaqshme të kapitalit dhe likuiditetit për t’u përballuar me rreziqet e rritura të funksionimit të tij në periudhën në vijim”, thuhet në njoftim.

Raportin e plotë mund ta lexoni duke klikuar KËTU

Blini derivate me çmim të lirë dhe hyni në garë për të fituar banesë, iphone 13 e 19 shpërblime tjera

Të tjera