×
  • Opinione
  • Opinione

    Ramiz Lladrovci: Vetëqeverisje apo vet menaxhim është baras me vetëmashtrim

    Ramiz Lladrovci
    19 Mars 2023

    Shkruan Ramiz Lladrovci.

    Nga e thëna në të bërë, është në mes një mal i tërë, kjo fjalë e popullit pasqyron atë që ka thënë e propaganduar ndër vite Kryeministri Kurti dhe eksponentët e tij.

    Me Amerikën ishim edhe atëherë kur nuk e kishim përkrahjen në fillimet e UÇK-së, me Amerikën ishim edhe kur u bë Marrëveshja e Rambujesë të cilën disa e quanin “tradhti”, me amerikanët ishim gjatë bombardimeve, me amerikanët ishim kur filluam shtetformimin e shtetndërtimin, çarmatosjen e UÇK-së dhe krijimin e TMK-së, FSK-së dhe Ushtrinë e Kosovës, kur e pranuam flamurin pa ngjyrat kuq e zi e himnin pa tekst, me Amerikën ishim kur u shpall Pavarësia e Kosovës.

    Me Amerikën ishim kur u pranua Pakoja e Ahtisaarit, kur filloi dhe u soll vendimi i GjND-së për Pavarësinë, kur filluan bisedimet dhe u arrit marrëveshja e vitit 2013 dhe 2015. Ashtu sikur jemi sot, me Amerikën, kur thotë se Marrëveshja 11 pikëshe nuk e dëmton shtetin tonë dhe aneksi duhet pranuar dhe do të qëndrojnë pranë nesh.

    Por, nuk ishin me Amerikën ata që e emërtonin tradhti tërë ecjen tonë bashkë me Amerikën dhe aleatët nga BE-ja dhe NATO-ja, nga robëria në liri, nga okupimi në çlirim. Nuk ishin me Amerikën ata që u përgatitën “të luftonin” me Serbinë me trupat e NATO-s. Ata Amerikën e zbuluan kur e lexuan Kushtetutën se nuk e lejon bashkimin me Shqipërinë, se s’mund ta ndryshojnë as flamurin as himnin dhe siguria e shtetit të Kosovës, nuk është në duart e atyre që tash së voni e zbuluan Amerikën.

    Ne jemi të njëjtit që çmojmë dhe duam Amerikën, edhe pas Marrëveshjes me Anekse të dhimbshme për Kosovën, por, kanë ndryshuar karakter e fytyrë ata që ishin kundër vendimeve të mëdha të përkrahura nga Amerika për mbi dy dekada.

    Ishin dhe janë kundër Amerikës ata që ia ndalën Kosovës rriten për mbi dhjetë vjet, me mashtrime. Ne jemi të njëjtit. Marrëveshja duhej bërë, por, jo kaq e dëmshme sa kjo që u bë. Marrëveshja tejkaloi pritjet më pesimiste dhe siguron praninë e Serbisë në Kosovë. Serbët fituan vetëmenaxhim (është më shumë se vetadministrim, sepse, përfshinë tërë veprimtarinë e gjithanshme shoqërore, politike e ekonomike, përkundrejt Marrëveshjes së vitit 2013 që ofronte Asociacion për komunat me shumicë serbe pa kompetenca ekzekutive dhe në pajtim me Kushtetutën e Republikës së Kosovës).

    Kosova menjëherë i pranoi dy barrë të reja, përpilimi i dokumenteve për vetëmenaxhimin e serbëve dhe Statusin Special për Kishën Ortodokse Serbe.

    Kosova e getoizuar dha shumë më tepër se sa që jepte Marrëveshja e vitit 2013 e 2015.

    Mbrëmë, nga Kryeministri fare nuk u përmendën shqiptarët e Luginës së Preshevës, por as mikpritësi Ali Ahmeti. Presidenti Pendarovski e kryeministri Kovaçevski janë udhëheqës që i kanë ato dy karrige falë Ali Ahmetit. Ky ishte edhe një minimizim i qëllimshëm i historisë së re në Maqedoninë e Veriut e më gjerë.

    Dje u bë çka u bë, vetëm histori e ndritur nuk është. Krejt çka është sharë për 15 vjet nga Kryeministri, dje morën udhë të panjohur dhe të gjitha premtimet e mëhershme ranë në ujë. Por, sot, duke mbaruar një epokë e mashtrimit, fillon një epokë e re, me mjaftë sfida, për largim të ndikimit të politikës serbe dhe qeverisjes serbe në Republikën e Kosovës!

    Vetëqeverisje apo vet menaxhim është baras me vetëmashtrim, por, mashtrimet nuk kalojnë!

    Kush ështe kosovari THE VICTOR që synon tregun e jashtëm? (video)
    Nga Rubrika
    Opinione28 Mars 2024
    Nga: Albert Prenkaj Situata e re e krijuar me inkursionin ushtarak rus në Ukrainë dhe mundësia e derdhjes së konfliktit në Ballkan...
    Opinione27 Mars 2024
    Nga Thomas Latschan: Sipas informacioneve të Ministrisë së Shëndetësisë në Rripin e Gazës (i cili kontrollohet nga Hamasi), pothuajse 32 mijë vetë...
    Opinione26 Mars 2024
    Nga Bernd Riegert: NATO sulmoi trupat serbe në vitin 1999 për të parandaluar një katastrofë humanitare në Kosovë. Krahasimi me Ukrainën është...
    Të tjera
    Lajme28 Mars 2024
    Kryeministri i Kosovës, Albin Kurti ka thënë se këtë vit e kemi filluar pa viza e me pasaportë shumëfish më të fuqishme,...
    Lajme28 Mars 2024
    Kryetari i Nismës Socialdemokrate, Fatmir Limaj, ka thënë se Kosova duhet të shkojë në zgjedhje të rregullta dhe jo atëherë kur dëshiron...
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Lajme28 Mars 2024
    Ambasadori i Mbretërisë së Bashkuar në Kosovë, Jonathan Hargreaves, ka qenë në Mitrovicë ku është takuar me kreun e kësaj komune Bedri...
    Lajme28 Mars 2024
    Lulzim Rafuna, kryetar i Odës Ekonomike të Kosovës (OEK), ka thënë të enjten se imazhi i krijuar për Kosovën që “mund të...
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...

    FrontOnline, © 2024 Të gjitha të drejtat e rezervuara.