×
  • Bota/Rajoni
  • Bota/Rajoni

    Rama mesazh bashkëkombësve në Mal të Zi: Votoni Listën Shqiptare

    FrontOnline
    27 Gusht 2020

    Kryeministri Edi Rama, në një videomesazh drejtuar sot bashkëkombësve në Mal të Zi, u bëri thirrje të votojnë Listën Shqiptare dhe të forcojnë partneritetin strategjik me Presidentin Gjukanoviç dhe partinë e tij.

    “Të dashur bashkatdhetarë në Malin e Zi. Kjo e diel, 30 gusht, nuk është e zakonshme për vendin ku keni shtëpinë tuaj, ku jetoni, punoni e rrisni fëmijët tuaj! Nuk është një e diel e zakonshme jo sepse do të votoni dhe gjithnjë një ditë votimi s’është si të tjerat, por sepse këtë herë do t’ju duhet të bëni një zgjedhje me një rëndësi të posaçme! Dhe si asnjëherë tjetër do të zgjidhni më shumë se sa thjesht për një parti: Do të zgjidhni për vetë fatin e shqiptarëve në Malin e Zi”, tha Rama.

    “Një Mal i Zi me frymën euroatlantike të botës së cilës ne, shqiptarët në Shqipëri e kudo i përkasim apo një Mal i Zi me frymëmarrje të penguar nga ndikime jashtë botës sonë. Një Mal i Zi ku pozita juaj fuqizohet brenda kornizës së vlerave e të standardeve perëndimore, të Bashkimit Evropian e të NATO-s, apo një Mal i Zi ku këto pika strategjike referimi interferohen nga valë të tjera dhe pozita juaj dobësohet. Një Mal i Zi me të cilin Shqipëria ecën krah për krah në të njëjtin drejtim dhe me të njëjtat synime madhore për të ardhmen e fëmijëve tanë apo një Mal i Zi që kthen sytë në drejtime të tjera”, vijoi ai.

    Rama shprehu besimin se “zgjedhja juaj është e qartë dhe shpresoj që vota juaj të jetë e bashkuar në të njëjtin drejtim që fuqizon përfaqësimin tuaj në jetën politike të Malit të Zi dhe shkon në harmoni me zgjedhjen e duhur për atë vend që duhet medoemos të vazhdojë përpara”.

    “Prandaj, ju bëj thirrje të mos e lini për asnjë arsye pa e ushtruar të drejtën e votës suaj dhe ta mbështesni sa më fuqimisht Listën Shqiptare. Ajo listë nuk është thjesht një mbledhje partish shqiptare, po lidh për herë të parë Malësinë dhe Ulqinin me një grupim të vetëm dhe si rrjedhojë, lidh bashkë shqiptarët në ato treva për të mbështetur njeri-tjetrin dhe drejtimin euroatlantik të Malit të Zi”, tha Rama.

    Në videomesazhin e tij, Kryeministri theksoi se “ju mund të mos jeni shume të mëdhenj në numër, por pesha juaj është aspak e vogël dhe në këto zgjedhje çdo votë peshon më shumë se sa në të gjitha zgjedhjet pas pavarësisë së vendit te bukur ku jetoni”.

    Rama tha se “roli juaj ka qenë e mbetet i pazëvendësueshëm në pavarësimin e Malit të Zi, në zhvillimin e demokracisë shumëetnike e zhvillimin demokratik e social të vendit ku ju kontribuoni”.

    “Sot ju kryeni detyra të rëndësishme në të gjitha nivelet institucionale të shtetit tuaj për të mbështetur procesin e integrimit europian. Dhe mos e harroni çfarë përpjekjesh ka bërë e bën diaspora e shkëlqyer e shqiptarëve nga Mali i Zi, si një zëdhënëse e fuqishme e interesave kombëtare anekënd botës dhe si mbrojtëse e frymës euroatlantike në tërësi”, tha Rama.

    Prandaj, vijoi ai, “vëllezër e motra, përfshihuni, përfshihuni, përfshihuni dhe të dielën dilni nga shtëpia për të mbështetur Listën Shqiptare dhe mbrojtur e forcuar partneritetin strategjik me Presidentin Gjukanoviç, për një Mal të Zi properëndimor e demokratik”.

    “E di që ka ende plot probleme për të zgjidhur, po ku nuk ka? E di që ka ende shumë për të arritur për shqiptarët në Malin e Zi, po si tjetër mund të arrihet pa atë partneritet të sigurt strategjik që ju tanimë e keni ndërtuar? E di që keni plot kritika për partinë në pushtet atje dhe për vetë liderin e saj, po që të vazhdoni të kritikoni dhe ndërkohë të keni mundësinë të realizoni edhe më shume akoma, votoni Listën Shqiptare”, tha Rama.

    Ambasadori suedez qëndron në Devolli Corporation, viziton njësinë Prince Caffe
    Nga Rubrika
    Bota/Rajoni29 Mars 2024
    Artileri e madhe ushtarake serbe, është parë duke u larguar mbrëmë nga komunat e Luginës së Preshevës. Klan Kosova ka siguruar pamje...
    Bota/Rajoni29 Mars 2024
    Dy tërmete kanë goditur mëngjesin e ditës së premte Greqinë. Sipas mediave të huaja, përcjell Telegrafi, bëhet fjalë për dy tërmete, njëri...
    Bota/Rajoni28 Mars 2024
    Një aksident trafiku ka lënë të vdekur 45 persona në Afrikën e Jugut, pasi një autobus humbi kontrollin dhe ra nga një...
    Të tjera
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...
    Lajme28 Mars 2024
    Presidentja e vendit, Vjosa Osmani, bashkë me deputeten e Listës Guxo, në grupin parlamentar të Lëvizjes Vetëvendosje, Jeta Statovci, ishin për iftar...
    Lajme28 Mars 2024
    Pasditen e së enjtes, një ngjarje tragjike ka ndodhur në Obiliq. Një grua është gjendur pa shenja jete në fshatin Dardhisht. Lajmin...
    Lajme28 Mars 2024
    Kandidati i Partisë Demokratike të Kosovës për kryeministër Bedri Hamza, ka thënë se qeveria e udhëhequr nga Albin Kurti, është pa rezultate....
    Lajme28 Mars 2024
    Kryeministri i Kosovës, Albin Kurti ka thënë se këtë vit e kemi filluar pa viza e me pasaportë shumëfish më të fuqishme,...

    FrontOnline, © 2024 Të gjitha të drejtat e rezervuara.