[wp-story]

Front TV

Rama: FSK-së çdo vit pritet t’i shtohen nga 5.5 milionë euro në buxhet

Rama: FSK-së çdo vit pritet t’i shtohen nga 5.5 milionë euro në buxhet
22:56 | 31 Maj 2020

Forca e Sigurisë së Kosovës (FSK), ka nevojë për buxhet shtesë. Komandanti i FSK-së, RrahmanRama në një intervistë për “Front Online”, ka thënë se kanë një zotim nga Qeveria e Kosovës për mbështetje shtesë, ndaj FSK-së.

“Realisht ne kemi një marrëveshje me Qeverinë e Kosovë dhe është një zotim i Qeverisë. Domethënë që mbi bazën e planit tonë kemi qenë shumë të kujdesshëm në kuptimin e bërjes së planit. Qëllimi kryesor i ynë ka qenë që mbi gjendjen ekonomike të vendit tonë që të mos bëhemi barrë e shtetit por që ta kemi një mundësi që ne gradualisht t`i ndërtojmë kapacitetet tona”, ka thënë ai.

Kësisoj ai deklaroi se në deklaratën financiare të Qeverisë së Kosovës është e paraparë që për çdo vit të rritet buxheti i FSK-së për 5.5 milionë euro.

Gjeneral Rama: Ushtria është e gatshme

“Kemi deklaratën financiare nga ana e Qeverisë që 5.5 milionë për çdo vit do të rritet buxheti i FSK-së, gjithmonë bazuar në planet tona që ne i kemi ndërtuar dhe kemi pasur rritje të buxhetit. Kurrë nuk është e mjaftueshme por varet nga prioritete që i ka shteti në këtë rast Qeveria, e që besoj që një nga prioritete është edhe siguria”, ka thënë Rama.

Për vitin 2020, Rama ka potencuar se FSK-ja ka buxhet të mjaftueshëm,.

“Mbi bazën e planit tonë do të thotë buxheti i këtij viti është i mjaftueshëm qoftë për blerjen e pajisjeve të reja, qoftë në rekrutimin e gjeneratave të reja, apo të ushtarëve të rinj por edhe të oficerëve të ri, dhe jemi gjithçka mbi bazën e planit”, ka thënë ai, për “Front Online”.

 

“Petrol Company” ul çmimet për 15 %. Ja sa kushton një litër naftë

Të tjera